Cau wardiau yn Llanelli yn dilyn achosion o salwch stumog

Diweddarwyd  

Llun: CC0

Mae holl wardiau Ysbyty’r Tywysog Phillip yn Llanelli wedi cau dros dro i ymwelwyr yn dilyn nifer o achosion o’r salwch stumog Norofeirws.

Mae Norofeirws yn achosi chwydu, twymyn  a dolur rhydd.

Mae’r cyfyngiadau dros dro wedi eu cyflwyno mewn ymdrech i atal y salwch rhag lledaenu.

Dim ond yn y prif ysbyty mae’r cyfyngiadau mewn grym ac mae ymwelwyr yn parhau i gael mynediad at Hosbis Tŷ Bryngwyn.

Mae cleifion sydd â threfniadau i fynd i apwyntiadau cleifion allanol yn cael eu cynghori i fynychu fel yr arfer.

Mae’r sefyllfa yn cael ei fonitro yn gyson ac mae disgwyl y bydd diweddariad ar gael pan fydd y cyfyngiad ymwelwyr yn cael ei godi.

Mesurau 

Dywedodd Is-Gyfarwyddwr Nyrsio Bwrdd Iechyd Hywel Dda, Sharon Daniel: “Mae nifer o achosion o Norofeirws wedi’u diagnosio, a dymunaf sicrhau ymwelwyr bod mesurau rheoli heintiau mewn lle i leihau’r risg o haint.

“Yn anffodus, yr adeg hon o’r flwyddyn, mae salwch gaeafol fel Norofeirws a ffliw yn fwy cyffredin ac mae’n bwysig bod unrhyw un sy’n profi’r symptomau hyn yn dilyn cyngor hylendid syml. Mae hyn yn cynnwys golchi a sychu dwylo’n drwyadl, yn enwedig ar ôl bod i’r toiled a chyn trafod bwyd, er mwyn atal heintiau rhag cael eu trosglwyddo i eraill.

“Os ydych fel arall yn ffit ac yn iach, nid oes angen i chi fynd at eich Meddyg Teulu fel arfer; dylech orffwys adref nes eich bod yn teimlo’n well, gan gadw’n gynnes, yfed digonedd o ddŵr a chymryd tabledi lleddfu poen os oes angen. Gallwch hefyd helpu stopio heintiau rhag lledaenu  trwy osgoi cyswllt di-angen â phobl eraill tra eich bod yn heintus.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones