Cymru’n herio’r Swistir, Twrci a’r Eidal yn Ewro 2020

Diweddarwyd  

Ryan Giggs

Llun: Cymdeithas Bêl-droed Cymru

Mae tîm pêl-droed Cymru wedi cael gwybod pwy fyddan nhw’n herio yng nghystadleuaeth Ewro 2020 haf nesaf.

Byddan nhw yng ngrŵp A gyda’r Swistir, Twrci a’r Eidal, ac yn chwarae yn Baku a Rhufain.

Cafodd yr enwau eu tynnu o’r het yn Bucharest.

Y gemau

Bydd tîm Ryan Giggs yn dechrau yn erbyn y Swistir yn Baku ar Fehefin 13.

Bedwar diwrnod yn ddiweddarach, byddan nhw’n herio Twrci yn yr un lleoliad.

Y tro diwethaf i Gymru herio Twrci, enillon nhw o 6-4 yn y gemau rhagbrofol ar gyfer Cwpan y Byd 1998, wrth i Hakan Sukur sgorio pedair gôl.

Roedden nhw’n fuddugol y tro diwethaf iddyn nhw wynebu’r Swistir hefyd, o 2-0 mewn gêm ragbrofol ar gyfer Ewro 2012 ym mis Hydref 2011, wrth i Aaron Ramsey a Gareth Bale sgorio.

Bydd eu gemau grŵp yn dod i ben gyda gornest yn erbyn yr Eidal yn Rhufain ar Fehefin 21.

Y grwpiau’n llawn

Grŵp A: Yr Eidal, Y Swistir, Twrci, CYMRU

Grŵp B: Gwlad Belg, Rwsia, Denmarc, Y Ffindir

Grŵp C: Yr Wcráin, Yr Iseldiroedd, Awstria, Gêm ail gyfle A/D

Grŵp D: Lloegr, Croatia, Gweriniaeth Tsiec, Gêm ail gyfle C

Grŵp E: Sbaen, Gwlad Pwyl, Sweden, Gêm ail gyfle B

Grŵp F: Yr Almaen, Ffrainc, Portiwgal, Gêm ail gyfle A/D

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones