Agor ‘Gât Gatland’ cyn gêm rygbi Cymru a’r Barbariaid

 

Warren Gatland

Llun: Undeb Rygbi Cymru

Mae ‘Gât Gatland’ wedi cael ei hagor yn Stadiwm Principality ar drothwy’r gêm i ffarwelio â chyn-brif hyfforddwr tîm rygbi Cymru, Warren Gatland heddiw (dydd Sadwrn, Tachwedd 30).

Bydd tîm y Barbariaid o dan ei arweiniad yn herio Cymru yng ngêm gyntaf Wayne Pivac wrth y llyw, gyda’r gic gyntaf yng Nghaerdydd am 2.45yp.

Mae’r llwybr ger Gât 4 yn cludo’r chwaraewyr ac enwogion i mewn i’r stadiwm.

Yn ystod 12 mlynedd Warren Gatland wrth y llyw, enillodd Cymru y Gamp Lawn dair gwaith yn 2008, 2012 a 2019.

Cyrhaeddon nhw rownd gyn-derfynol Cwpan Rygbi’r Byd ddwy waith, yn 2011 a 2019 ac fe gyrhaeddon nhw frig y rhestr detholion am y tro cyntaf eleni.

Fe hefyd yw’r prif hyfforddwr sydd wedi para hiraf yn y swydd, a dim ond tîm y 1910au a’r 1970au sydd wedi bod yr un mor llwyddiannus.

Teyrngedau

“Mae hon yn deyrnged fach i ddangos ein gwerthfawrogiad i Warren, yn arwydd o’r parch mawr sydd gyda ni tuag ato fe yn y byd rygbi yng Nghymru,” meddai Martyn Phillips, prif weithredwr Undeb Rygbi Cymru.

“Bydd e bob amser yn cael ei gofio fel yr hyfforddwr â ddaeth â hatric o Gampau Llawn adref ond y tu hwnt i’r tlysau, fe wnaeth e hefyd ail-sefydlu ein tîm Cymru fel un o brif dimau’r gêm ar draws y byd.

“Mae e wedi adfywio lefel o falchder a pharchusrwydd i’n camp genedlaethol nad ydyn ni wedi’i deimlo ers i bobol fel Clive Rowlands a John Dawes gael eu hoes aur eu hunain 40 mlynedd a mwy yn ôl.”

‘Lle arbennig iawn’

“Bydd yr adeilad hwn bob amser yn lle arbennig iawn i fi,” meddai Warren Gatland.

“Mae’n dwyn i gof lu o atgofion hyfryd a dyma’r lleoliad ar gyfer rhai o’m diwrnodau gorau yn y byd rygbi.

“Mae’n ymgorffori’r holl emosiwn sy’n mynd gydag ennill gemau mawr, ond hefyd y gwaith caled, yr ymroddiad a’r angerdd gan bawb ar bob lefel o’r chwaraewyr i’r staff a’m teulu fy hun a’r cefnogwyr eu hunain.”

Wayne Pivac fydd prif hyfforddwr rhif 23 Cymru.

David Nash oedd y cyntaf yn 1967.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones