Cwmni Babi Pur yn methu mynd ar y We i werthu cynnyrch

Diweddarwyd  

Tîm Babi Pur yn ei warws newydd

Llun: Babi Pur

Mae cwmni sy’n gwerthu cynnyrch masnach deg ac eco gyfeillgar ar gyfer plant, yn cwyno eu bod nhw heb fynediad call i’r We ers symud eu busnes o Benrhyndeudraeth i Borthmadog.

Mae Teulu Brenhinol Lloegr wedi prynu eitemau gan Babi Pur, cwmni sy’n cyflogi tros 30 o bobol.

Fe symudon nhw’r busnes i Borthmadog yn ddiweddar ac mae yn hanfodol fod ganddyn nhw fynediad i’r We er mwyn gwerthu eu cynnyrch.

Cwmni dillad plant yn symud i hen ffatri Gelert ar gyrion Porthmadog

Trafferthion ers tro

Ym mis Gorffennaf fe wnaeth Babi Pur archebu ‘STTP Fibre Line’ yn ogystal â system ‘BOIP’ gan BT er mwyn gallu gwerthu tros y We.

“Daeth British Telecommunications Openreach yma fis Awst a dweud wrthym ni fod yna linell yn y ffordd tu allan oedd angen dod i mewn i’r adeilad, ond wnaeth yna ddim byd ddigwydd ar ôl hynny,” meddai Llinos Parry Williams sy’n rhedeg y cwmni.

Fe gwynodd Babi Pur am y sefyllfa ym mis Medi – yn y cyfamser oedden nhw yn gorfod dibynnu ar ffonau symudol er mwyn gweithredu ar y We.

Yn ôl Babi Pur maen nhw mewn sefyllfa “amhosib” gyda’r cwmni darparu rhyngrwyd British Telecommunications (BT).

Cyfnod prysur i’r cwmni’n cael ei effeithio

Gyda’r Nadolig yn agosáu, gallai’r sefyllfa ddim bod yn waeth i Babi Pur yn ôl un o’r rheolwyr.

“Mae o’n achosi gymaint o broblemau i ni, tydi o jyst ddim yn gweithio fel hyn,” meddai Llinos Parry Williams.

“Mae hi’n dod at ein adeg prysuraf o ran siopa Nadolig ac rydan ni mewn sefyllfa lle mae pobl methu gwneud eu gwaith yn iawn.”

Mae golwg360 wedi gofyn am ymateb gan BT.

Mae sawl un wedi galw ar BT i ddatrys y sefyllfa…

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones