Llafur: £100 biliwn i’r Alban… ond beth am Gymru?

 

Llun: CC0

Wedi i’r Blaid Lafur gyhoeddi ei bod yn bwriadu buddsoddi £100 biliwn yn yr Alban tros y ddegawd i ddod, petae yn ennill yr etholiad, mae rhai wedi gofyn: ‘Beth am Gymru?’

Mae llefarydd wedi dweud wrth golwg360 fod gan y Blaid Lafur ragor i ddatgelu am eu cynlluniau gwario yng Nghymru.

Mae maniffesto Llafur yn  nodi y byddai’r Alban yn derbyn llu o fuddsoddiadau a £20 biliwn yn rhagor o bwerau benthyca, ond prin yw’r manylion am arian i Gymru.

Bellach mae golwg360 wedi derbyn cadarnhad bod rhagor o gyhoeddiadau ar y gweill i Gymru, a bod buddsoddiadau’r ddwy wlad yn mynd i gael eu cyhoeddi mewn ffyrdd gwahanol.

£3.4 biliwn i Gymru

Hyd yma mae Llafur wedi cadarnhau y bydden nhw yn rhoi £3.4bn yn ychwanegol pob blwyddyn i Lywodraeth Cymru ei wario.

Bydd y blaid yn cyhoeddi’r symiau y gallai Cymru dderbyn trwy eu ‘Banc Buddsoddi Cenedlaethol’ a’u ‘Cronfa Trawsnewid Gwyrdd’ yn y dyfodol.

Bydd Llafur Cymru yn lansio eu maniffesto ddydd Llun (Tachwedd 25) yn Wrecsam, ond fyddan nhw dim ond yn cyhoeddi sut y byddan nhw’n gwario’r arian ychwanegol.

A does dim disgwyl cyhoeddiadau am weddill y buddsoddiadau yn y lansiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones