Llafur yn llygadu Arfon, a Phlad Cymru yn barod am frwydr

Diweddarwyd  
Steffie Williams Roberts yn canfasio ym Mangor gyda Marke Drakeford, Prif Weinidog Cymru

Steffie Williams Roberts yn canfasio ym Mangor gyda Marke Drakeford, Prif Weinidog Cymru

Llun gan Steffie Williams Roberts

Gyda’i fwyafrif yn fach, mae Hywel Williams wedi cydnabod wrth gylchgrawn Golwg bod yna le i boeni a fydd Plaid Cymru yn dal ei gafael yn etholaeth Arfon.

Ond mae’r dyn sy’n cynrychioli’r ardal yn San Steffan ers 2001 yn dweud bod y Blaid “yn paratoi am etholiad ers dechrau’r flwyddyn, mae ganddo ni griwiau mawr yn mynd allan [i ganfasio]… rydan ni’n gwneud bob dim fedran ni yma.

“A dw i’n llawn obeithio y gwnawn ni ennill. Ond tydan ni ddim yn cymryd dim byd yn ganiataol.”

Yn 2017 fe ddaeth y Blaid Lafur o fewn 92 o bleidleisiau i gipio Arfon, ardal sydd wedi dewis Aelod Seneddol Plaid Cymru ers 1974.

Merch tŷ cyngor

Mae profiadau plentyndod Steffie Williams Roberts yn ganolog i’w phenderfyniad i sefyll tros y Blaid Lafur yn Arfon.

Fe gafodd ei magu ar stad dai cyngor enfawr Maesgeirchen ar gyrion dinas Bangor, ac elwa o fynd i glybiau ieuenctid, dawnsio, drama, coginio, garddio ac ati yn y ganolfan gymunedol leol.

Ond mae hi’n dweud fod yr hyn sydd ar gael i’r ifanc wedi crebachu yn arw erbyn hyn, oherwydd polisi llymder y Ceidwadwyr.

Bellach yn 27 oed ac yn magu mab bach gyda’i gwraig Eirian, mae gan yr ymgeisydd Llafur radd dosbarth cyntaf yn y Gyfraith.

Ei gwaith yw bod yn eiriolwr ar ran rhieni plant sydd ag anghenion dysgu arbennig.

Mae hi’n “anghytuno yn llwyr” fod Plaid Cymru yn Sosialaidd ac yn ymosod ar record y cyngor sir lleol.

“Mae Cyngor Plaid Cymru Gwynedd wedi cau’r clybiau ieuenctid o gwmpas y lle yma… a tydyn nhw ddim yn caniatáu adeiladu tai achos bo nhw yn rhy brysur yn gwarchod yr iaith Gymraeg.

“Maen nhw yn blocio ceisiadau cynllunio left, right and centre ym Mangor – oherwydd yr iaith – pan mae yna definate need am dai yma.”

Mwy am y frwydr yn Arfon yn rhifyn yr wythnos o gylchgrawn Golwg

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones