Dau ddyn yn euog o ddwyn trysor Llychlynnaidd gwerth £3m

 

Llun: www.pixs.com

Mae dau ddyn wedi eu cael yn euog o ddwyn gwerth £3m o drysor Llychlynnaidd.

Roedd George Powell, 38, o Gasnewydd a Layton Davies, 51, o Bontypridd wedi methu a datgan eu bod wedi dod o hyd i’r casgliad “amhrisiadwy” mewn cae yn Sir Henffordd ym mis Mehefin 2015.

Roedd y ddau wedi canfod tua 300 o ddarnau arian, modrwy a breichled ynghyd a thrysorau eraill oedd yn dyddio nôl 1,100 o flynyddoedd. Cafodd George Powell a Layton Davies wedi eu cyhuddo ynghyd a dau ddyn arall Paul Wells o Gaerdydd a Simon Wicks, o Sussex, o gynllwynio i gelu’r trysor.

Roedd George Powell, Layton Davies a Simon Wicks hefyd wedi’u cyhuddo o werthu’r darnau arian i gasglwyr preifat neu eu cuddio. Dim ond 31 o’r darnau arian sydd wedi cael eu canfod ac mae’r rhan fwyaf o’r trysor yn parhau ar goll.

Cafodd y pedwar hefyd eu cyhuddo o anwybyddu’r gyfraith sy’n dweud bod rhaid datgan canfyddiadau o’r fath.

Fe fydd gwrandawiad yn cael ei gynnal heddiw (dydd Gwener, Tachwedd 22) yn Llys y Goron Caerwrangon a byddan nhw’n cael eu dedfrydu’n ddiweddarach.

 

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones