“Amharchus! Anghywir! Anniolchgar!” – beirniadu Bale yn Sbaen

Diweddarwyd am  

Gareth Bale

Llun: Ian Cook/Propaganda trwy Gymdeithas Bêl-droed Cymru

Mae’r wasg yn Sbaen yn lladd ar Gareth Bale ar ôl iddo ddathlu cyrraedd Ewro 2020 gyda Chymru â baner yn dwyn y geiriau “Cymru. Golff. Madrid: yn y drefn honno”.

Mae’r Cymro’n cael ei gyhuddo o “wneud sbort am ben” ei glwb, gyda rhai yn dadlau y dylai gael ei gosbi am eu “dirmygu” ac am “ladd ar y clwb”.

Ond yn ôl Marca, mae’r ymosodwr yn “amharchus, anghywir, anniolchgar”, wrth adleisio’r faner.

Mae’n annhebygol y bydd yn cael ei gosbi gan fod y berthynas rhyngddo fe a’r rheolwr Zinedine Zidane y tu hwnt i gael ei thrwsio beth bynnag.

Dyw e ddim wedi chwarae i’w glwb ers iddo gael ei anafu wrth chwarae i Gymru fis diwethaf.

Ond roedd e ar gael ar gyfer gemau rhagbrofol Cymru yn erbyn Azerbaijan a Hwngari yr wythnos hon.

Fe wnaeth e gorddi’r cefnogwyr yr wythnos ddiwethaf drwy awgrymu bod yn well ganddo fe chwarae dros Gymru na Real Madrid.

Dyfodol y chwaraewr

Yn ôl Jonathan Barnett, asiant Gareth Bale, mae’r rheolwr Zinedine Zidane yn “warthus” am ddweud ym mis Gorffennaf fod y clwb yn gwneud trefniadau i symud y Cymro o’r clwb.

Roedd disgwyl iddo symud at glwb Jiangsu Suning yn Tsieina, lle byddai’n derbyn £1m yr wythnos dros gyfnod o dair blynedd, ond fe ddaeth y trafodaethau i ben ar yr unfed awr ar ddeg.

Sgoriodd e ddwywaith mewn chwe gêm wedi hynny.

Mae ganddo fe gytundeb hyd at fis Mehefin 2022, ond fe allai symud ym mis Ionawr, gyda nifer o glybiau yn Tsieina a’r Unol Daleithiau’n dangos diddordeb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones