John Humphrys yn wfftio ail refferendwm Ewropeaidd

 

John Humphrys

Llun: BBC/Rolf Marriott

Mae’r darlledwr John Humphrys yn dweud y byddai cynnal ail refferendwm ar aelodaeth Prydain o’r Undeb Ewropeaidd yn “annemocrataidd”.

Fe bleidleisiodd e o blaid aros yn 2016, meddai.

Ond mae’n dweud bod y syniad y dylai’r Deyrnas Unedig aros yn Ewrop oherwydd y diffyg gwybodaeth oedd ar gael i ymadawyr yn ei wneud e’n “grac”.

Fe fu’r darlledwr, oedd wedi ymddeol o’r BBC yn gynharach eleni, yn llafar ynghylch y Gorfforaeth a gwleidyddiaeth yn ddiweddar, gan ladd yn benodol ar duedd asgell chwith y BBC.

Mae’n dweud nad oes modd anwybyddu canlyniad refferendwm mewn cyfundrefn ddemocrataidd.

“Yr hyn dw i’n mynd yn grac yn ei gylch e – a dw i’n siarad fel rhywun oedd wedi pleidleisio dros aros, cofiwch – yw’r syniad na chafodd y bobol a bleidleisiodd dros adael y wybodaeth oedd ei hangen neu wedi methu â deall y goblygiadau,” meddai mewn cynhadledd yn Llundain.

“Ond drwy ryw wyrth, fe gafodd y bobol oedd wedi pleidleisio dros aros [y wybodaeth].

“Dw i ddim yn dilyn hynny oherwydd yr hyn mae’n ei ddweud wrtha i yw…

“Er fy mod i wedi pleidleisio dros aros, dw i wedi credu ers i’r bleidlais gael ei chyhoeddi fis Mehefin dair blynedd yn ôl fod rhaid i ni adael.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones