Paul Davies yn cystwyo “record ofnadwy” Vaughan Gething

Diweddarwyd am  
Pen ac ysgwydd Vaughan Gething

Vaughan Gething, Ysgrifennydd Iechyd Llywodraeth Cymru

Llun: Cynulliad Cenedlaethol Cymru CC 2.0

Mae Paul Davies, arweinydd y Ceidwadwyr Cymreig, wedi cystwyo “record ofnadwy” Vaughan Gething yn Weinidog Iechyd.

Fe wnaeth e godi perfformiad y Llywodraeth Lafur ym maes iechyd yn ystod Sesiwn Holi’r Prif Weinidog ddoe (dydd Mawrth, Tachwedd 19), yn dilyn adroddiad damniol am Fwrdd Iechyd Prifysgol Cwm Taf Morgannwg.

Cafodd gwasanaethau mamolaeth eu rhoi mewn mesurau arbennig ym mis Ebrill eleni, ac mae’r adroddiad yn rhestru ffaeleddau wrth amlygu problemau, ‘normaleiddio risgiau’, adrodd gwael, diffyg cyfathrebu, a phryder am arferion.

Yn ogystal â hyn, nododd Arweinydd yr Wrthblaid fod amseroedd aros Damweiniau ac Achosion Brys ar eu huchaf erioed ac nid yw targedau amseroedd aros canser wedi eu bodloni ers 11 o flynyddoedd.

“Rydych chi wedi llywyddu dros ddiwylliant o ofn a beio,” meddai Paul Davies.

Fe ofynnodd i’r Gweinidog Iechyd roi cadarnhad i staff y Gwasanaeth Iechyd y byddai’n gwrando ar eu gofidion ac yn gweithredu arnyn nhw, a’i annog “i gymryd cyfrifoldeb ac ystyried eich safle, fel y gall pobl Cymru fod yn hyderus y bydd y Llywodraeth yn cymryd cyfrifoldeb pan fydd methiannau yn y system”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones