Galw am fwy o brydau bwyd am ddim mewn ysgolion

Diweddarwyd am  

Cinio ysgol

Mae elusen Trefnu Cymunedol Cymru yn galw am gynnig mwy o brydau bwyd rhad ac am ddim i’r plant mwyaf tlawd mewn ysgolion.

Dywed yr elusen fod plant yn cyrraedd yr ysgol heb fod wedi bwyta a’u bod yn rhy lwglyd i ddysgu ac yn gorfod dewis rhwng brecwast a chinio.

Mewn rhai achosion, mae’n rhaid i athrawon brynu bwyd i’r disgyblion mwyaf tlawd gan eu bod nhw’n gwario’u holl lwfans ar frecwast wrth gyrraedd yr ysgol ac yn methu fforddio cinio.

Mae’r elusen, sy’n gymysgedd o athrawon a chynorthwywyr dysgu, yn lansio ymgyrch ‘Dysgu Nid Llwgu’ heddiw yn Ysgol y Grango yn Wrecsam.

Maen nhw’n dweud nad yw’r drefn bresennol yn diwallu anghenion plant.

Maen nhw’n galw ar Lywodraeth Cymru i godi’r lwfans prydau bwyd i 80c, sy’n golygu y gallai miloedd o’r plant mwyaf tlawd gael brecwast a chinio yn yr ysgol.

Ymchwil gan yr elusen

Mae ymchwil gan yr elusen yn y gogledd-ddwyrain yn dangos bod dros hanner y staff yno yn prynu bwyd rywbryd i’r plant mwyaf tlawd, a rhai yn gwneud hynny bob wythnos.

Mae 18% o’r plant sy’n derbyn prydau bwyd am ddim ac sydd heb fwyta brecwast cyn mynd i’r ysgol yn nodi diffyg amser neu ddim yn hoffi brecwast fel rheswm am ddod i’r ysgol heb fod wedi bwyta.

Cymru yw’r unig un o wledydd Prydain lle mae tlodi plant yn cynyddu ac mae’r elusen yn dweud bod caredigrwydd staff yn celu pa mor ddifrifol yw’r sefyllfa.

Mewn arolwg gan yr elusen, roedd nifer sylweddol o blant yn dweud eu bod nhw’n mynd i’r ysgol heb fod wedi cael brecwast.

Roedd hyn, meddai’r plant hynny, yn eu gwneud nhw’n llwglyd yn yr ysgol, oedd yn effeithio ar eu gallu i ganolbwyntio mewn gwersi.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones