Elusennau yn galw am “ddiwygio rôl” y Comisiynydd Safonau

Diweddarwyd  
Adeilad y Senedd, Bae Caerdydd

Y Senedd

Llun: golwg360

Pwyllgor o bobol ddylai ddelio â chwynion am Aelodau Cynulliad yn hytrach nag un unigolyn.

Dyna mae sawl elusen a melin drafod wedi ei ddweud mewn llythyr at y Llywydd, Elin Jones, yn sgil wythnos dymhestlog yn y Bae.

Camodd y Comisiynydd Safonau, Syr Roderick Evans, o’r neilltu ar ddechrau’r wythnos wedi iddo gael ei recordio’n gyfrinachol gan yr Aelod Cynulliad, Neil McEvoy.

Mae’r recordiadau yn dangos bod y barnwr hwnnw yn rhagfarnllyd, yn ôl gwleidydd, a bellach mae Douglas Bain wedi’i benodi i’r rôl dros dro.

Yn y llythyr mae’r elusennau – gan gynnwys Chwarae Teg a Llamau – yn galw am “sustem fwy cadarn” o ddelio gyda chwynion er mwyn ymdopi â’r sefyllfa wleidyddol sydd ohoni.

Y llythyr

“Ysgrifennwn atoch fel sefydliadau … sy’n gynyddol bryderus am y lefel o ragfarn ac aflonyddu mae menywod yn wynebu yn llygad y cyhoedd,” meddai’r llythyr.

“Mae hyn yn amlwg yn broblem eang, a dyw hi ddim wedi ei chyfyngu i’r Cynulliad. Er hynny mae gan bob sefydliad rôl wrth fynd i’r afael â hyn…

“Mae digwyddiadau’r dyddiau diwethaf wedi gwneud hi’n gliriach i ni ein bod ni angen mynd ati’n syth i ddiwygio rôl y Comisiynydd Safonau.”

Diwygio

Mae’r elusennau yn galw:

  • Bod panel yn cael ei sefydlu i gymryd lle’r Comisiynydd Safonau
  • Bod cymorth yn cael ei roi i’r panel pan fo angen
  • Bod gan y comisiynwyr newydd mwy o bwerau pan ddaw at gosbi
  • Bod y comisiynwyr yn cael ymchwilio am gyfnod hirach na dim ond 12 mis

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones