Ffraeo’r siambr yn tanio dadl danllyd ar y we

Diweddarwyd am  

Carwyn Jones

Llun: XIIIfromTOKYO trwy Gomin Wicimedia

Mae cyn-Brif Weinidog Cymru wedi bod ynghlwm â dadl danllyd ar gyfryngau cymdeithasol gyda rhai o aelodau mwyaf dadleuol y Cynulliad.

Roedd hi’n ddiwrnod tanllyd yn y Bae ddydd Mawrth (Hydref 12) yn sgil ymddiswyddiad y Comisiynydd Safonau, Roderick Evans.

Camodd o’r neilltu wedi iddo gael ei recordio’n gyfrinachol gan yr Aelod Cynulliad, Neil McEvoy, ac roedd hefyd sôn am y Llywydd, Elin Jones, yn y recordiadau yma.

Arweiniodd hyn at Mark Reckless, Arweinydd Plaid Brexit, yn ei chyhuddo yn y siambr o fod yn rhagfarnllyd yn ystod sesiwn cwestiynau’r Prif Weinidog.

Gwnaeth Carwyn Jones, y cyn-Brif Weinidog, ymateb i hyn trwy drydar bod ymddygiad Mark Reckless yn “warth”, a’r neges yma sydd wedi tanio dadlau rhyngddo ef a sawl un arall.

Ffraeo a thrydar

Mae neges y cyn-Brif Weinidog yn erfyn ar Mark Reckless i “fyfyrio yn ofalus ar yr hyn y gwnes di, a gofynna i dy hun a oeddet ti wedi ymddwyn yn gyfreithlon neu’n egwyddorol.”

Mae Neil McEvoy wedi ymuno a’r ffrae trwy gyhuddo Carwyn Jones o ragrith a chyfeirio at deulu Carl Sargeant – y cyn-weinidog a laddodd ei hun rai dyddiau ar ôl cael ei ddiswyddo o’r cabinet.

“A ydw i’n byw mewn byd arall?” meddai Neil McEvoy mewn ymateb i’r neges ar Drydar. “Ydy’r dyn yma’n sôn am ymddwyn yn ‘egwyddorol’ ar ôl y ffordd y bu iddo drin teulu Sargeant?”

Mae Carwyn Jones wedi ymateb i hynny trwy ddweud: “Plîs Neil. Roedd Carl yn dy gasáu yn fwy nag unrhyw un ym myd gwleidyddiaeth.”

“Dw i wedi [ymddwyn yn gyfreithlon ac yn egwyddorol],” meddai Mark Reckless wrth ymateb i drydariad Carwyn Jones. “Dyna wnes i. Allwch chi ddweud yr un peth?”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones