Llyfrgell Cymru i arwain prosiect addysgol gan Wicipedia

Diweddarwyd am  

Llyfrgell Genedlaethol Cymru, Aberystwyth

Llun: Comin Wicimedia

Mae Llyfrgell Genedlaethol Cymru yn mynd i fod yn arwain prosiect addysgol newydd gan Wicipedia.

Gobaith y prosiect yw gwella mynediad disgyblion ysgol at wybodaeth Gymraeg ar Wicipedia am hanes Cymru.

Mae’r prosiect yn cael ei ariannu gan Lywodraeth Cymru a bydd y Llyfrgell Genedlaethol yn Aberystwyth yn cydweithio â Menter Iaith Môn, CBAC yn ogystal ag arbenigwyr eraill yn y maes.

Drwy weithio gydag arbenigwyr, bwriad y tîm yw cyfuno cynnwys Wicipedia ac adnoddau dysgu personol er mwyn datblygu erthyglau o safon, yn ogystal â deunydd aml-gyfrwng addas i ddisgyblion ysgolion cynradd.

Ar ben hynny bydd cyfres o ddigwyddiadau yn cael eu cyflwyno mewn ysgolion uwchradd.

Maen nhw’n gobeithio tanio diddordeb disgyblion Cyfnod Allweddol 5 a’u hannog i ysgrifennu cynnwys Wicipedia ar gyfer disgyblion iau.

Daw hyn wrth i’r Pwyllgor Diwylliant, y Gymraeg a Chyfathrebu gyhoeddi adroddiad yn galw am ganllawiau llymach ynghylch yr hyn a ddylai gael ei ddysgu mewn gwersi hanes ledled Cymru.

Ac maen nhw am weld Estyn, y corff arolygu, yn cynnal adolygiad er mwyn cael gwell syniad o sut mae’r pwnc yn cael ei ddysgu ar hyn o bryd.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn