Y Ceidwadwr Chris Davies yn tynnu’n ôl o ras seneddol Ynys Môn

Diweddarwyd am  

Chris Davies AS

Llun swyddogol Senedd Prydain

Mae Chris Davies, cyn-aelod seneddol Ceidwadol Brycheiniog a Maesyfed, am frwydro dros y blaid i ennill sedd Ynys Môn.

Fe gollodd ei sedd, ac ymdrech i’w hadennill, yn gynharach eleni ar ôl pledio’n euog i ddau gyhuddiad o hawlio treuliau ffug.

Ac roedd wedi ceisio’n aflwyddiannus i ennill ymgeisyddiaeth ei blaid ar gyfer sedd Brycheiniog a Maesyfed unwaith eto cyn troi ei sylw at Ynys Môn.

Jane Dodds, arweinydd y Democratiaid Rhyddfrydol yng Nghymru, oedd wedi ennill yr hawl i’w olynu ym mis Awst ar ôl i drigolion lleol lofnodi deiseb yn galw am is-etholiad.

Mae Albert Owen, aelod seneddol Llafur Ynys Môn, yn camu o’r neilltu ar ôl 18 mlynedd yn y swydd ac me’r blaid wedi dewis Mary Roberts fel ymgeisydd y tro hwn.

Ymgeisydd Plaid Cymru yw’r cyn-newyddiadurwr Aled ap Dafydd, a dydy’r Democratiaid Rhyddfrydol na’r Blaid Werdd ddim am sefyll, a hynny fel rhan o’r pact gwleidyddol rhwng y tair plaid.

Helen Jenner yw darpar-ymgeisydd Plaid Brexit.

‘Anghredadwy’

Fe fu Plaid Cymru’n beirniadu’r penderfyniad y Ceidwadwyr i ddewis Chris Davies i frwydro am sedd Ynys Môn.

“Mae hyn yn anghredadwy gan y Torïaid,” meddai Aled ap Dafydd, ymgeisydd Plaid Cymru.

“Mae gorfodi cyn-aelod seneddol sydd wedi’i gael yn euog o hawlio treuliau’n anghyfreithlon yn ymgeisydd ar yr ynys yn dangos cyn lleied maen nhw’n poeni am yr ynys,” meddai.

“Mae hyn yn gwatwar pobol yr ynys.

“Mae pobol Ynys Môn yn haeddu aelod seneddol gonest a fydd yn gweithio’n galed i’w cynrychioli nhw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones