Dim darllediad byw o’r Ŵyl Cerdd Dant ar Radio Cymru eleni

Diweddarwyd am  

Llun: CC0

Fydd Radio Cymru ddim yn darlledu’n fyw o’r Ŵyl Cerdd Dant yn Llanelli ddechrau’r mis nesaf.

Ond fe ddaeth cadarnhad gan y Trefnydd, John Eifion, heddiw y bydd yna “raglen gynhwysfawr o bigion” ar y donfedd – ac na fydd y drefn newydd yn cael effaith ar yr wyl ei hun.

Mae’r wyl yn gyrchfan flynyddol ar gyfer cantorion, corau a phartïon sy’n canu i gyfeiliant y delyn; yn gystal ag i lefarwyr, dawnswyr a chantorion gwerin. Mae’n cael ei chynnal eleni yn ngwesty Parc y Strade, Llanelli, ar Dachwedd 9.

“Er y bydd y drefn ella’n effeithio ar arferion gwrando’r gynulleidfa, dw i ddim yn meddwl y bydd y newid yn cael effaith ar yr ŵyl ei hun,” meddai John Eifion wrth golwg360.

“Yr unig beth dw i wedi’i glywed ydi fydd ’na ddim darlledu byw… ac y byddan nhw’n darlledu rhaglen o bigion, mae’n debyg.

“Dw i’m yn siŵr be’ ydi amserlen hynny gynnon nhw…

“Dw i’m yn meddwl fydd o’n cael dim un effaith ar y cystadleuwyr, ond mi fydd o’n cael effaith ar y bobol fyddai’n arfer gwrando ar y cystadlu ac ati yn fyw ar y radio ar y dydd Sadwrn.”

Mae golwg360 wedi gofyn am ymateb gan BBC Cymru. Yn y cyfamser, fe fydd S4C yn darlledu’n fyw o Lanelli 2yp ac 8yh ddydd Sadwrn, Tachwedd 9.

Ymateb BBC Cymru 

“Eleni bydd BBC Radio Cymru yn adlewyrchu’r Ŵyl Gerdd Dant trwy rhaglen uchafbwyntiau cynwhysfawr,” meddai llefarydd.

“Rydym yn falch iawn o gefnogi’r ŵyl unwaith eto ac yn dymuno bob llwyddiant i’r trefnwyr.”

Celfyddydau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones