Siopau M&S yng Nghymru’n gwerthu llaeth o Loegr “dros dro”

Diweddarwyd  

Llun: CC0

Mae cwmni M&S yn dweud mai mesur “dros dro” yw gwerthu llaeth o Loegr yn eu siopau yng Nghymru.

Fe fu nifer yn cwyno dros yr wythnosau diwethaf o weld llaeth o Loegr yn cael ei werthu ar draul llaeth lleol, a hynny mewn sawl ardal yng Nghymru.

Yn ôl y cwmni, cwymp Tomlinsons Dairies sydd wedi sbarduno’r angen i werthu llaeth o Loegr, ond maen nhw’n dweud eu bod nhw’n chwilio am gyflenwyr mwy lleol yn y tymor hir.

Cwymp cwmni Tomlinsons

Daeth cadarnhad bythefnos yn ôl bod y cwmni prosesu llaeth yn y gogledd wedi cael ei roi yn nwylo’r gweinyddwyr, gan roi 331 o weithwyr ar y clwt.

Bu pryderon ynghylch dyfodol y cwmni yn Wrecsam yn dilyn adroddiadau bod ffermwyr wedi cael gwybod na fydd yr hufenfa yn gallu prosesu eu llaeth.

Mae gan Tomlinson’s Dairies safleoedd yn ardaloedd Caer a Sir Amwythig.

Costau cynyddol a phrisiau isel am gynnyrch llaeth sy’n gyfrifol am gwymp y cwmni.

Datganiad

“Mae ein perthynas â’n ffermwyr yn ganolog i’n rhaglen Select Farms,” meddai llefarydd ar ran M&S wrth golwg360.

“Rydym yn cydweithio’n uniongyrchol â’r ddau ffermwr syn cynhyrchu llaeth Select Farm M&S trwy Tomlinsons Dairies er mwyn sicrhau eu bod nhw’n cael eu cefnogi’n llwyr.

“Tra ein bod ni’n gweithio ar ddatrysiadau, rydym yn dod o hyd i laeth dros dro gan gyflenwyr eraill er mwyn sicrhau ein bod ni’n cynnig llaeth o’r un safon i’n cwsmeriaid yng Nghymru.

“Gobeithio bod hyn yn cynnig eglurhad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones