Archwilio casglwyr cocos yn sir Gaerfyrddin

 
Cocos

Cocos

Llun: Pixabay

Bu’r awdurdodau yn archwilio casglwyr cocos yn sir Gaerfyrddin yr wythnos hon, ychydig oriau ar ôl i 39 o gyrff gael eu darganfod yng nghefn lori yn Essex.

Cafodd y gwiriadau diogelwch eu cynnal gan gorff y GLAA, a sefydlwyd yn 2004 ar ôl i 23 o weithwyr anghyfreithlon o Tsieina foddi yn y môr yn ardal Bae Morecambe yng ngogledd-orllewin Lloegr.

Bu swyddogion y corff, ynghyd â’r heddlu, yn ymweld â gwelyau cocos ger aber afonydd Tâf, Tywi a Gwendraeth ddydd Mercher (Hydref 23).

Ar yr un diwrnod, cafodd cyrff wyth dynes a 31 dyn eu darganfod yng nghefn lori yn ardal Grays, Essex. Mae’r heddlu o’r farn eu bod nhw’n hanu o Tsieina, er bod adroddiadau eraill yn awgrymu bod rhai o Fietnam.

Mae’n debyg bod y gwiriadau yn sir Gaerfyrddin wedi eu cynllunio o flaen llaw.

Cafodd tua 50 o weithwyr, gan gynnwys rhai o wlad Pwyl, Rwmania a gwledydd Prydain, eu cyfweld gan swyddogion a’u gofyn i ddangos eu trwyddedau gwaith.

Cafodd y broses ei chwblhau heb unrhyw broblemau, yn ôl y GLAA.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones