Caffi Cymraeg ym Manceinion wedi’i agor i drechu “hiraeth”

Diweddarwyd am  

Paned

Llun:L CC0

Mae perchennog caffi Cymraeg yn ninas Manceinion wedi sôn am yr “hiraeth am yr iaith” sydd wedi’i ysgogi i sefydlu’r busnes.

Symudodd Iwan Roberts o Ddolgellau i Fanceinion er mwyn astudio, ac ar ôl sefydlu popty o’r enw ‘Blawd’, aeth ati i sefydlu caffi Siop Shop’ yn Hydref 2017.

Mae’n rhedeg y cwmni gyda’i gariad, Lucy Jackson, dynes o Winchester sydd wedi dysgu ychydig o Gymraeg, ac mae’r caffi wedi dod yn adnabyddus am ei ddefnydd o’r heniaith.

Mae ganddyn nhw arwyddion a ‘chardiau ffyddlondeb’ dwyieithog, maen nhw’n chwarae cerddoriaeth Gymraeg, ac yn ôl Iwan Roberts hiraeth sy’n gyfrifol am y cwbwl lot. 

“Hiraeth am yr iaith sydd genna’ i ynde,” meddai wrth golwg360“Yn hytrach na ffonio Mam bob nos, dw i wedi agor siop Gymraeg ym Manceinion.

“Mae yna lot yn Gymraeg yma. Rydyn mi’ yn trio defnyddio’r iaith mor aml ag sy’n bosib.”

Codi ymwybyddiaeth

Mae’n dweud bod “lot o Gymraeg” yn y ddinas, a bod llawer o’r gymuned Gymraeg yn mynd yno – yn enwedig ar y penwythnos.

Mae’n gobeithio rhoi cartref i gymuned Cymraeg Manceinion ac yn awgrymu ei fod wedi cael ei ysbrydoli gan ei brofiadau yntau o fethu â ffeindio cyd-Gymry yn y ddinas.

Nid Cymry yn unig yw cwsmeriaid y caffi, ac mae Iwan Roberts yn gobeithio medru codi ymwybyddiaeth am y Gymraeg ymhlith pobol Manceinion.

“Rydym yn trio awgrymu i bobol bod iaith y drws nesaf i ni – dyna dw i’n trio ei wneud,” meddai.

 “Enwog am y toes”

Cynnyrch Siop Shop sydd yn denu cwsmeriaid yn fwy na’r Gymraeg, yn ôl y perchennog, ac mae’n mynnu eu bod yn bennaf enwog “am y toes” .

“Dyna pam rydym ni’n cael getaway yn defnyddio’r Gymraeg,” meddai. “A meddwl bod 90% o bobol ddim yn deall beth rydym ni’n ei ddweud – neu pan rydym yn rhoi pethau ar Instagram. 

“Ond rydym yn cael getaway achos rydym yn reit dda yn gwneud beth rydym ni’n gwneud.”

Mae’n teimlo bod “lot o bwysau” ar gwmnïau i ddefnyddio’r Saesneg, ac mae’n ei weld yn rhyfedd eu bod yn denu cymaint o sylw. 

“Dyna beth dw i’n gweld yn funny,” meddai. “Rydym ni’n cael mwy o sylw o fod yn siop Gymraeg ym Manceinion na llefydd Cymraeg yng Nghymru. Mae’n od.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones