Lansio ymgyrch i herio’r steroteipiau am bobol hŷn

Diweddarwyd  

Llun: CC0

Mae angen “herio a thynnu sylw” at y gwahaniaethu ar sail oedran mae pobol hŷn yn ei wynebu bob dydd, yn ôl Comisiynydd Pobol Hŷn Cymru.

Mae swyddfa Heléna Herklots wedi lansio ymgyrch newydd er mwyn codi ymwybyddiaeth am sut mae gwahaniaethu ar sail oedran yn effeithio ar bobol hŷn a chymdeithas.

Fel rhan o’r ymgyrch, bydd pobol hŷn a’r cyhoedd yn cael eu gofyn i rannu enghreifftiau o wahaniaethu ar sail oedran y maen nhw wedi dod ar eu traws.

Mae canllaw gwybodaeth wedi ei ddatblygu hefyd – o’r enw ‘Gweithredu yn Erbyn Gwahaniaethu ar Sail Oedran’ – a fydd yn cyflwyno cyfres o weithdai i helpu pobol i adnabod gwahaniaethu ar sail oedran er mwyn eu herio.

Herio’r steroteipiau

“Yn aml iawn mae mynd yn hŷn yn cael ei gyflwyno fel rhywbeth i’w ofni yn hytrach na’i ddathlu,” meddai Heléna Herklots.

“Mae hyn yn arwain at gymdeithas lle rydyn ni’n gweld gwahaniaethu ar sail oedran yn y gweithle, ym maes iechyd a gofal cymdeithasol, ac mewn gwasanaethau cyhoeddus allweddol eraill, yn ogystal ag ar y cyfryngau ac ym maes hysbysebu.   

 “Mae corff cynyddol o ymchwil yn dangos yr holl ffyrdd y mae gwahaniaethu ar sail oedran yn cael effaith negatif ar bobl hŷn, gan effeithio ar eu hiechyd corfforol a meddyliol, gwella o salwch, lefelau eithrio cymdeithasol a disgwyliad oes hyd yn oed.

“Felly mae mynd i’r afael â gwahaniaethu ar sail oedran yn hanfodol.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones