Cymru a’r Alban eisiau mwy o amser i graffu ar y cytundeb Brexit

Diweddarwyd  

Mark Drakeford

Bydd Prif Weinidog Cymru’n arwain gorymdaith Pride Cymru yng Nghaerdydd

Mae Mark Drakeford a Nicola Sturgeon wedi ysgrifennu at Boris Johonson a Donald Tusk yn galw am ragor o amser i graffu ar y cytundeb Brexit newydd, a’r posibilrwydd o gynnal ail refferendwm.

Yn y llythyr, mae prif weinidogion Cymru a’r Alban yn dweud bod y Mesur Ymadael yn un o’r deddfwriaethau pwysicaf erioed i gael eu hystyried gan y Senedd, Llywodraeth Cymru a Llywodraeth yr Alban.

Mae disgwyl i’r ddeddfwriaeth gael ei chyhoeddi heddiw (dydd Llun, Hydref 21) gyda’r Prif Weinidog Boris Johnson yn gobeithio cynnal “pleidlais ystyrlon” ar y medur yn San Steffan ddydd Mawrth.

Mae’n rhaid i’r mesur gael ei gymeradwyo gan Gaerdydd a Holyrood cyn cael ei basio gan ei fod yn cynnwys deddfwriaeth am faterion datganoledig.

“Niweidiol”

Mae’r llythyrau yn galw am estyniad i’r broses Brexit er mwyn caniatáu mwy o amser i’r llywodraethau datganoledig graffu ar y mesur yn fwy manwl. Maen nhw’n dweud nad oes digon o amser i wneud hynny cyn Hydref 31.

Yn y llythyr at Lywydd y Cyngor Ewropeaidd, Donald Tusk, mae’r ddau hefyd wedi dweud eu bod yn cefnogi cynnal ail refferendwm ar aelodaeth Prydain o’r Undeb Ewropeaidd.

Mae Mark Drakeford a Nicola Sturgeon yn galw ar y Prif Weinidog i “gydymffurfio’n llawn” gyda Deddf Benn, a oedd wedi gwneud cais am estyniad os nad oedd modd dod i gytundeb gyda’r Undeb Ewropeaidd erbyn Hydref 19.

Maen nhw hefyd wedi rhybuddio bod cytundeb Boris Johnson yn “fwy niweidiol” nag un Theresa May.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones