“Dylem fod wedi gadael flwyddyn yn ôl” medd cynghorydd Cwm

Diweddarwyd am  

Cynghorydd Gareth Leslie Davies, Cwm

Llun oddi ar wefan Cyngor Bwrdeistref Sirol Blaenau Gwent

“Dylem fod wedi gadael flwyddyn yn ôl” – Dyna farn cynghorydd o Flaenau Gwent am Brexit.

Yn siarad â golwg360 y llynedd, dywedodd Gareth Leslie Davies fod y pentref mae’n ei gynrychioli, Y Cwm, yn awyddus iawn i adael yr undeb

Ond dros flwyddyn yn ddiweddarach mae’r Cymoedd yn dal i aros, ac yn sgil hyn mae brwdfrydedd y cynghorydd tros Brexit wedi cynyddu, nid lleihau.

“Pe bawn yn cael pleidlais arall heddiw byddai Blaenau Gwent yn dal i bleidleisio o blaid gadael. Dw i wir yn credu hynny,” meddai wrth golwg360.

“Mae gen i lawer o ffrindiau yn Ffrainc. Maen nhw 100% o blaid ni’n gadael, ond maen nhw’n aros i weld beth wnawn ni. Dydyn nhw ddim yn dangos hynny ar y teledu.

“Dw i ddim yn credu y bydd Ffrainc a’r Almaen yn bell ar ein holau. Dw i wir yn credu hynny.”

“Pobol browd”

O holl awdurdodau lleol Cymru, ardal Blaenau Gwent oedd fwyaf cefnogol i adael yr Undeb Ewropeaidd yn ystod refferendwm 2016, gyda 62% yn pleidleisio o blaid ymadael.

Roedd Brexit i fod i ddigwydd yn wreiddiol ar Fawrth 29 y llynedd, ond ddaeth dim byd o hynny, a bellach mae’r cynghorydd yn eithaf diamynedd. 

“Beth am fwrw ati,” meddai Gareth Leslie Davies. “Beth am wneud rhywbeth oni bai am ffraeo, a gwario, a theithio mas yno â chap yn ein llaw?

“Dydyn nhw ddim eisiau ni’n cardota. Rydym ni wastad wedi bod yn bobol browd.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones