Siawns am swyddi ym Minffordd ar ôl i gwmni caws gael ei werthu

Diweddarwyd am  

Caws

Llun: CC0

Mae cwmni prosesu caws yng Ngwynedd a aeth i ddwylo’r gweinyddwyr ychydig fisoedd yn ôl, wedi cael ei werthu … ac mae’r perchnogion newydd yn gobeithio ailgychwyn y gwaith “cyn gynted â phosib”.

Ym mis Mehefin, fe gollodd bron i 90 o weithwyr eu swyddi pan gafodd GRH Food yn ardal Minffordd, rhwng Penrhyndeudraeth a Phorthmadog, ei drosglwyddo i ofal cwmni KPMG.

Ond erbyn hyn, mae’r gweinyddwyr wedi cadarnhau gwerthiant GRH Food a’i holl asedau i gwmni o Swydd Gaerloyw, sef Futura Food UK.

Mae’r cwmni hwnnw yn un o’r cyflenwyr caws cyfandirol mwyaf yng ngwledydd Prydain, ac yn arbenigo mewn caws o Wlad Groeg, yr Eidal a Sbaen ymhlith gwledydd eraill.

Gweithio’n galed 

“Rydym yn gweithio’n galed er mwyn ailagor y safle [ym Minffordd] ac yn edrych ymlaen at ddod â swyddi a buddsoddiad yn ôl i’r ardal,” meddai llefarydd ar ran Futura Fook UK.

Daw’r cyhoeddiad ar yr un diwrnod y trosglwyddwyd hufenfa yn ardal Wrecsam – Tomlinson’s Dairies – i ddwylo’r gweinyddwyr, gan adael dros 300 o staff heb waith.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones