Heddlu’n herio criwiau sy’n trefnu cwffio yn y Trallwng a’r Drenewydd
Diweddarwyd am
Llun: CC0
Mae Heddlu Dyfed-Powys yn dweud eu bod nhw’n ymwybodol fod criwiau o bobol ifanc yn gwneud trefniadau i ymladd mewn dwy o drefi Powys dros y penwythnos nesaf.
Mae’r criwiau wedi bod yn cynllunio i gyfarfod a chwffio yn y Trallwng a’r Drenewydd.
“Rydyn ni’n ymwybodol fod grwpiau o bobol ifanc yn meddwl cyfarfod ac ymladd,” meddai llefarydd ar ran yr heddlu. .
“Rydyn ni mewn cyswllt â’r ysgol ac yn apelio ar i rieni ein cefnogi er mwyn rhoi stop ar yr ymddygiad yma.
“Mae o’n achos pryder fod y math yma o beth yn digwydd ond rydyn ni am i’r bobol ifanc dan sylw fod yn ymwybodol ein bod ni’n gwybod am eu cynlluniau, ac na fyddwn ni’n goddef y math yma o beth.”
Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.
Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.
