Cymry Cymraeg ymhlith protestwyr Extinction Rebellion yn Llundain

Diweddarwyd  

Bethan Russell a’i gwr yn Llundain

Llun oddi ar ei thudalen Facebook

Mae yna “dipyn o densiwn” rhwng yr awdurdodau a phrotestwyr amgylcheddol mewn rhai rhannau o ddinas Llundain, meddai Cymraes o Wynedd sydd ynghanol y cyffro.

Mae dros 300 o bobol wedi cael eu harestio yn Llundain wrth i’r grŵp Gwrthryfel Difodiant (Extinction Rebellion) feddiannu a chreu anrhefn ar strydoedd y ddinas.

Mae’r cyfan yn rhan o ymgyrch ryngwladol sy’n galw ar lywodraethau’r byd i fynd i’r afael â chynhesu byd eang cyn ei bod hi’n rhy hwyr.

Un sy’n rhan o’r protestiadau yn Llundain yw Bethan Russell Williams, sy’n dweud mai creu anrhefn yw’r “unig ffordd” i gael y llywodraeth i wrando.

“Ddoe (dydd Llun, Hydref 7), mi roeddan ni yn bennaf o flaen y Swyddfa Gartref ac roedd yna lori wedi blocio’r ffordd yn fan’no,” meddai wrth golwg360. “Roedden ni’n rhan o griw mawr o bobol yno yn cadw’r ffordd ar gau.

“Rydan ni jyst y tu allan i Trafalgar Square heddiw, ac mae’n debyg bod yr heddlu yn trio clirio y tu allan i’r Swyddfa Gartref.

“Mae yna nifer o gyfeillion o ogledd Cymru sydd yno wedi cael rhybuddion am arestio, ac maen nhw’n symud yn eu blaenau aton ni yn Trafalgar Sqaure.”

Galw am weithredu

Mae Bethan Russell Williams, sydd wedi bod yn rhan o brotestiadau eraill gan Wrthryfel Difodiant yn ystod y misoedd diwethaf, yn galw ar wleidyddion i wrando ar gri’r protestwyr.

“Mae yna rywfaint o wrando wedi bod ers y protestiadau diwethaf, wrth gwrs,” meddai.

“Fe wnaeth y Llywodraeth yn San Steffan ac yng Nghaerdydd ddatganiad o Argyfwng Hinsawdd. Ond rydan ni’n disgwyl gweld camau cadarn yn cael eu cymryd yn dilyn y protestiadau yma.

“Mi rydan ni’n wynebu argyfwng byd-eang erbyn hyn ac mae’r rhan fwyaf o adroddiadau gwyddonol yn cefnogi’r newyddion bod yna argyfwng difrifol ar y gweill. Dyna pam rydan ni yma.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones