Hanner Marathon Caerdydd: “adolygiad llawn” ar ôl i redwr farw

Diweddarwyd am  

Hanner Marathon Caerdydd yn 2016

Llun: Hanner Marathon Caerdydd

Mae trefnwyr Hanner Marathon Caerdydd wedi dweud y byddan nhw’n cynnal “adolygiad llawn” wedi marwolaeth rhedwr ar ôl y ras ddoe (dydd Sul, Hydref 6).

Dywedodd Run 4 Wales bod y rhedwr wedi cael triniaeth gan y tîm meddygol brys oedd ar y cwrs a’i gludo i Ysbyty Athrofaol Cymru Caerdydd lle bu farw.

Roedd 27,500 o redwyr wedi cymryd rhan yn  y ras dros 13.1 milltir yn y brifddinas.

Dywedodd prif weithredwr Run 4 Wales, Matt Newman: “Mae ein cydymdeimlad dwys gyda theulu’r rhedwr a fu farw ar ôl cymryd rhan yn y digwyddiad.

“Roedd y gwasanaethau brys wedi ymateb i’r digwyddiad ofnadwy yma yn gyflym iawn ac yn broffesiynol. Mae pawb sy’n gysylltiedig â’r ras wedi’u llorio.”

Wrth drydar wedi’r digwyddiad dywedodd Matt Jukes, prif gwnstabl Heddlu De Cymru: “Newyddion trist iawn. Mae fy meddyliau gyda phob un sydd wedi’u heffeithio.”

Yn 2018 bu farw Ben McDonald, 25, o Gaerdydd a Dean Fletcher, 32, o Exeter ar ôl cymryd rhan yn y ras.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones