Newid enw’r Senedd: angen gwybod a fydd Aelodau Llafur yn cael eu chwipio

Diweddarwyd  
Adeilad y Senedd, Bae Caerdydd

Y Senedd

Llun: golwg360

Mae Plaid Cymru yn galw am eglurhad ynghylch a fydd Aelodau Cynulliad Llafur yn cael eu chwipio i gefnogi cadw enw uniaith Gymraeg y Senedd.

Y gred yw y bydd Mark Drakeford, prif weinidog Cymru, yn chwipio’r aelodau ar ôl datgan yn gyhoeddus nad yw am weld enw’r Senedd yn cael ei chyfieithu i’r Saesneg.

Daw’r ansicrwydd ar ôl i’r Trefnydd, Rebecca Evans, un o weinidogion Llywodraeth Cymru, awgrymu ddydd Mawrth (Hydref 1) y byddai aelodau’n cael pleidleisio yn ôl eu dymuniad.

Rhun ap Iorwerth sy’n galw am eglurhad ynghylch y dewis posib rhwng ‘Senedd’ ac ‘opsiwn sy’n cael ei gefnogi gan y Torïaid’.

‘Enw sy’n perthyn i bawb yng Nghymru’

“Yn ystod Sesiwn Holi’r Prif Weinidog ddoe, cadarnhaodd y Trefnydd Rebecca Evans y byddai’r bleidlais ar yr enw newydd i Gynulliad Cenedlaethol Cymru’n bleidlais rydd a gobeithiwn y bydd aelodau meinciau cefn Llafur yn parhau i gefnogi galwad Plaid Cymru i aros gyda’r consensws blaenorol, sef ‘Senedd’ – enw sy’n perthyn i bawb yng Nghymru, waeth bynnag am eu dewis iaith,” meddai Rhun ap Iorwerth.

“Fodd bynnag, mae Plaid Cymru wedi cael ar ddeall y bydd Gweinidogion y Llywodraeth yn cael eu chwipio.

“Rydym felly yn galw am eglurhad ynghylch a fydd gweinidogion Llywodraeth Cymru’n cael eu chwipio i bleidleisio dros yr enw ‘Senedd’ yr opsiwn y mae’r prif weinidog yntau wedi dweud ei fod yn ei ffafrio, neu’r opsiwn sy’n cael ei gefnogi gan y Torïaid.

“Byddai’n rhyfedd iawn pe na bai gweinidogion y Llywodraeth hyd yn oed yn cael cefnogi hoff opsiwn y prif weinidog.”

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer