Rhybuddion newydd am law trwm yng Nghymru

Diweddarwyd  
Afon Teifi yn Llanbedr Pont Steffan

Afon Teifi yn Llanbedr Pont Steffan

Llun Endaf Griffiths / golwg360

Mae’r swyddfa dywydd wedi cyhoeddi rhybuddion tywydd newydd ar gyfer Cymru yn yr oriau nesaf.

Roedd glaw trwm eisoes wedi achosi trafferthion yn ardaloedd y de a’r canolbarth dros y penwythnos, ac mae disgwyl i ragor o law ddisgyn yn ystod y prynhawn yma (dydd Llun, Medi 30).

Yn wreiddiol, roedd y rhybudd melyn mewn grym o 3yp ddydd Llun tan brynhawn Mawrth.

Ond bellach, mae’r rhybudd cyntaf mewn grym o 3yp tan hanner nos, ac fe fydd yr ail un yn weithredol o 6yb ddydd Mawrth tan 8yh.

Mae’r rhybuddion yn weithredol ar gyfer y cyfan o dde Cymru a rhannau o’r canolbarth.

Mae Cyfoeth Naturiol Cymru yn rhybuddio pobl i fod yn ofalus ar draethau, promenadau a llwybrau arfordirol.

Llifogydd a thirlithriad

Mae lefelau rhai o afonydd y de, gan gynnwys afonydd Tywi a Theifi, wedi bod yn beryglus o uchel oddi ar y penwythnos.

Ym Mhowys wedyn, mae’r cyngor sir yn dweud y bydd ffordd yr A490 ger Cegidfa ynghau am gryn amser wedi tirlithriad i’r ffordd fawr yno.

Digwyddodd y tirlithriad nid nepell o Barc Gwyliau Valley View, Pentre’r Beirdd, yn dilyn y glaw trwm ddydd Sul.

FIDEO O AFON TEIFI YN LLANBEDR PONT STEFFAN

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones