Hugh Hesketh Evans yw Cadeirydd dros dro S4C

Mae Arweinydd Cyngor Sir Ddinbych, Huw Hesketh Evans, wedi cael ei benodi’n Gadeirydd dros dro ar S4C.

Mae’r ffermwr a’r cynghorydd yn esgyn i’r Gadair yn dilyn ymddeoliad Huw Jones, a fu wrth y llyw am wyth mlynedd.

Mae Hugh Hesketh Evans wedi bod yn aelod anweithredol o Fwrdd S4C oddi ar fis Tachwedd 2014.

Mae’n Arweinydd Cyngor Sir Ddinbych ers 2007, ac yn gynghorydd sir ar ardaloedd Llanfair Dyffryn Clwyd a Gwyddelwern.

Yn ôl S4C, mae’r broses o benodi olynydd parhaol i Huw Jones “ar waith”, ac mae disgwyl i gyhoeddiad gael ei wneud gan yr Ysgrifennydd Gwladol tros Ddigidol, Diwylliant, y Cyfryngau a Chwaraeon.