Dechrau Canu, Dechrau Canmol yn America gyda Ryland Teifi

 

Bydd Dechrau Canu Dechrau Canmol yn mentro i’r Unol Daleithiau mewn rhifyn arbennig ym mis Hydref.

Mae’r rhaglen yn dilyn taith yr actor a’r canwr Ryland Teifi wrth iddo weld pa effaith barhaol mae Cymru wedi ei chael ar hunaniaeth a chrefydd ardaloedd yng Ngogledd America.

Bydd y rhaglen awr o hyd yn dechrau yng Nghymanfa Ganu Gogledd America a Chanada, yn Milwaukee, Wisconsin, dan arweiniad Dr Mari Morgan, sy’n hanu o ardal Llanelli.

Yn ail hanner y daith, bydd Ryland Teifi yn ymweld â hen gapel yn Birmingham, Alabama a gafodd ei fomio yn 1963 gan grŵp o eithafwyr gwyn; a bydd yr hanesydd, Dr Bill Jones, yn edrych ar lythyron y Cymry a ymfudodd i’r Unol Daleithiau ar ddechrau’r 19fed ganrif.

 “Profiad bythgofiadwy”

“Roedd sawl agoriad llygad i mi’n bersonol ar y daith,” meddai Ryland Teifi. “Mae yna gymaint o bocedi ar draws yr UDA sydd â chysylltiadau diddorol tu hwnt â Chymru – a chymunedau bach.

“Er enghraifft, mae yna le yn Wisconsin o’r enw Wales; rydych chi’n gyrru mewn i’r pentref ac yn gweld baneri Cymru ymhob man. Roedd yr oedfaon yn cael eu cynnal yn y Gymraeg hyd at 1920.

“Mae’n anhygoel i feddwl bod 300 o gapeli Cymraeg wedi cael eu sefydlu yn yr ardal.”

Bydd Dechrau Canu Dechrau Canmol: America yn cael ei darlledu ar S4C am wyth o’r gloch ar Hydref 6.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones