Cynghorydd tref Caergybi’n mynd yn annibynnol

Diweddarwyd  

Mae un o gynghorwyr tref Caergybi’n dweud y bydd yn parhau’n aelod “yn annibynnol o unrhyw blaid”.

Ond mae Vaughan Williams, a gyflwynodd ei enw’n ddiweddar i fod yn ymgeisydd seneddol Plaid Cymru yn Ynys Môn yn 2021, yn dweud nad yw “eto” wedi gadael y blaid.

“Byddaf yn eistedd ar Gyngor Tref Caergybi fel aelod amhleidiol,” meddai mewn datganiad ar ei dudalen Facebook, cyn ychwanegu y bydd yn “annibynnol o unrhyw blaid”.

“Edrychaf ymlaen at barhau i wasanaethu fy nghymuned yn London Road gyda’m cyd-gynghorydd Keith Thomas (Plaid).

“Rwy’n ostyngedig i wasanaethu fy nghymuned gyda’m cyd-gynghorwyr fel dw i wedi’i wneud erioed. CAERGYBI’N GYNTAF.”

STATEMENT: I shall sit on #Holyhead Town Council as a non aligned member. Independent of any party.I look forward to…

Posted by Vaughan Williams on Saturday, September 21, 2019

Eglurhad pellach

Mewn sylwadau ar waelod y datganiad, mae Vaughan Williams, a gafodd ei drechu gan Aled ap Dafydd yn y ras i gynrychioli Ynys Môn yn San Steffan, yn dweud nad yw e wedi penderfynu eto a fydd e’n aros gyda Phlaid Cymru.

“Fe gawn weld,” meddai wrth ateb y cwestiwn hwnnw ar lif negeseuon.

Mewn sylw arall, mae’n dweud mai “hunan werth a pharch” sy’n gyfrifol am ei benderfyniad i fynd yn annibynnol.

Wrth ymateb i awgrym y gallai’r penderfyniad gael ei weld fel ymateb uniongyrchol i’r siom o golli yn y ras am yr ymgeisyddiaeth, mae’n dweud, “Geith pobl darllen be fynnon nhw”.

Mewn neges arall, mae’n dweud fod “Cymru yn fwy na’r Blaid”.

Wrth ymateb i neges arall sy’n cwestiynu’r penderfyniad i ddewis Aled ap Dafydd fel ymgeisydd “o’r tu allan”, dywed fod y sylwadau hynny “ar y trywydd iawn”, cyn ychwanegu y bydd yn aelod o Blaid Cymru hyd at y gynhadledd ac yna “fe gawn weld”.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer