Mark Drakeford yn galw am undeb newydd i wledydd Prydain

Diweddarwyd am  

Mark Drakeford

Bydd Prif Weinidog Cymru’n arwain gorymdaith Pride Cymru yng Nghaerdydd

Mae Mark Drakeford, prif weinidog Cymru, yn galw heddiw (dydd Sul, Medi 22) am undeb newydd rhwng gwledydd Prydain.

Daeth yr alwad yn ystod araith gerbron cynhadledd y Blaid Lafur yn Brighton, lle bu hefyd yn cyhoeddi y bydd Llafur Cymru’n ymgyrchu o blaid aros yn rhan o’r Undeb Ewropeaidd.

Mae’n dweud bod Brexit a llywodraethau Ceidwadol yn San Steffan yn rhwygo’r undod a fu unwaith rhwng y pedair gwlad.

Mae’n galw am undeb sy’n seiliedig ar werthoedd Llafur, sef undod, cydraddoldeb a pharch.

‘Gwleidyddiaeth wenwynig’

“Mae Brexit wedi rhwygo ffabrig y pethau sy’n annwyl i ni – gan gynnwys y Deyrnas Unedig hithau,” meddai.

“Mae’r rhai sy’n ceisio Brexit wedi defnyddio – a chamddefnyddio – yr undeb at eu dibenion cul ac ideolegol eu hunain.

“Ein gyrru ni oddi wrth y partneriaethau rydyn ni wedi eu datblygu gyda’n cyfeillion Ewropeaidd dros gynifer o flynyddoedd.

“Er mwyn goroesi, rhaid mai Llafur – a Llafur yn unig – sy’n cyfleu gweledigaeth wahanol ar gyfer y rhai sydd wedi’u gyrru i ffwrdd gan wleidyddiaeth wenwynig rhaniadau ac anobaith.

“Rhaid mai ein tasg o dan Lywodraeth Lafur newydd y DU fydd adeiladu Deyrnas Unedig newydd, un sydd yn wirioneddol lwyddo i’w phedair rhan.

“Mae angen, ar draws yr ynysoedd hyn, bartneriaeth adeiladol sy’n cael ei hadeiladu ar y pethau sydd gennym yn gyffredin ac nid y rhagfarnau maen nhw’n dweud wrthym sy’n ein cadw ni ar wahân.

“Ein gwaith erioed oedd adeiladu cysylltiadau cyffredin rhwng pobol mewn gwaith, lle bynnag y bon nhw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones