John Humphrys yn lladd ar y BBC tros Brexit

 

John Humphrys

Llun: BBC/Rolf Marriott

Mae John Humphrys yn dweud bod y BBC wedi methu â deall penderfyniad y bobol i bleidleisio o blaid gadael yr Undeb Ewropeaidd.

Mae’r newyddiadurwr o Gymru, sy’n gadael ei rôl yn cyflwyno rhaglen Today ar BBC Radio 4, yn cyhuddo’r Gorfforaeth o fod yn rhagfarnllyd o blaid yr asgell chwith ryddfrydol.

Mae hefyd yn ei chyhuddo o ddrysu rhwng ei buddiannau a theimladau’r cyhoedd.

Daw ei sylwadau yn y Daily Mail, sy’n cyhoeddi darnau o’i hunangofiant A Day Like Today.

“Dw i ddim yn sicr fod y BBC ar y cyfan erioed wedi deall yr hyn oedd yn digwydd yn Ewrop, na’r hyn yr oedd pobol yn y wlad hon yn meddwl amdano,” meddai.

Dweud ei ddweud

Mae’r newyddiadurwr yn dweud ei fod e bellach yn rhydd i leisio’i farn am nad yw’n gweithio i’r BBC.

Ac mae’n dweud ei fod yn parchu’r Gorfforaeth, sy’n rhan allweddol o ddemocratiaeth y Deyrnas Unedig.

Dywed fod penaethiaid y BBC yn torri eu calonnau ynghylch Brexit, gan gymharu eu hymateb â chefnogwr pêl-droed yn gwylio’i dîm yn methu cic o’r smotyn.

“Mae gan John yr hawl i’w farn a dydy e erioed wedi bod yn gyndyn o roi gwybod i ni beth mae e’n ei feddwl a thra nad ydyn ni o reidrwydd yn cytuno â’i holl safbwyntiau, mae’n dda ei weld e’n datgan fod y BBC yn ‘rym arbennig heb ei ail er daioni’ y mae mawr ei hangen ar y wlad gymaint ag erioed,” meddai llefarydd ar ran y Gorfforaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer