Dim arweinydd UKIP yn y gynhadledd yng Nghasnewydd?

 

Mae disgwyl i arweinydd UKIP drwy Brydain gadw draw o gynhadledd flynyddol ei blaid oherwydd bod cyn lleied o docynnau wedi cael eu gwerthu, yn ôl adroddiadau.

Bydd aelodau UKIP yn ymgynnull yng Nghasnewydd ar gyfer y digwyddiad deuddydd sy’n cychwyn heddiw (dydd Gwener, Medi 20).

Ond does dim disgwyl i Richard Braine, a gafodd ei ethol yn arweinydd fis diwethaf, fod yn bresennol.

Mae ffrae wedi datblygu o fewn y blaid ar ôl i’r arweinydd newydd alw ar bwyllgor cenedlaethol y blaid i ganslo’r gynhadledd.

Mae golwg360 yn deall bod cadeirydd UKIP, Kirstan Herriot, wedi ysgrifennu at aelodau yn beirniadu’r arweinydd, gan ddisgrifio ei benderfyniad i beidio â dod yn “sarhad”.

Fe ddaeth Richard Braine yn arweinydd ar UKIP ar ôl i’r blaid, o dan arweiniad Gerard Batten, golli pob un o’i seddi yn Senedd Ewrop yn yr etholiad ym mis Mai.

Y buddugwr mawr yn yr etholiad hwnnw oedd cyn-arweinydd UKIP, Nigel Farage, sydd bellach yn arwain y Blaid Brexit.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones