Ymgyrchydd yn cymharu trychinebau Fukushima ac Aberfan

Diweddarwyd am  
Aberfan

Aberfan

Llun: Geograph

Mae yna debygrwydd rhwng trychineb niwclear Fukushima a thrychineb Aberfan, yn ôl ymgyrchydd gwrth-niwclear o Gymru.

Daw sylwadau Robat Idris, o PAWB (Pobol Atal Wylfa B), wedi i lys yn Japan ddyfarnu cyn-benaethiaid camni Tepco yn ddieuog o esgeulustod troseddol.

Tepco oedd yn gyfrifol am atomfa Fukushima pan gafodd ei tharo gan swnami yn 2011, ac yn sgil y trychineb bu farw a diflannodd 18,500 o bobol.

Roedd y cwmni wedi’i rybuddio am y swnami ac wedi dewis peidio ymateb, yn ôl erlynyddion, ac yn hyn o beth mae’r achos yn debyg i drychineb Aberfan yr 1960au, meddai Robat Idris.

“Dw i’n meddwl y gallwn ni dynnu rhyw fath o gymhariaeth, os liciwch chi, efo’r broses gyfreithiol a ddigwyddodd yn y wlad yma yn dilyn Aberfan,” meddai wrth golwg360.

“I bob pwrpas, y [Bwrdd Glo Cenedlaethol] oedd yn gyfrifol. [Digwyddodd y trychineb] er gwaetha’ sawl rhybudd gan bobol leol ac [o ffynonellau] eraill.

“Ac wrth gwrs, rydym yn gwybod beth ddigwyddodd yn fanna. Dw i’n meddwl bod o’n adlewyrchu meddylfryd y wladwriaeth i raddau helaeth, ddim jest y farn gyfreithiol.”

Aberfan

Bu farw 144 o bobol (28 oedolyn a 116 o blant) yn Aberfan, pan lilthrodd domen o wastraff ar Hydref 21, 1966. Roedd y domen ar lethr mynydd, ar dir llaith ac anaddas, ac mi drodd yn slyri yn dilyn glaw trwm.

Y Bwrdd Glo Cenedlaethol oedd yn gyfrifol am y domen, ac er i adroddiad rhoi’r bai am y trychineb ar y corff hwnnw, chafodd neb ei erlyn.

Taith i Fukushima

Fe deithiodd Robat Idris – ynghyd ag eraill o fudiad PAWB – i Fukushima ddechrau’r flwyddyn er mwyn protestio yn erbyn cynlluniau niwclear yng Nghymru.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer