Marwolaeth â chyllell: cadw dyn dan y Ddeddf Iechyd Meddwl

Diweddarwyd  
Lewis Stone

Lewis Stone

Llun trwy law Heddlu Dyfed-Powys

Mae dyn 21 oed wedi cael ei gadw yn y ddalfa dan y Ddeddf Iechyd Meddwl ar ôl lladd dyn 71 oed â chyllell yn Borth.

Roedd Lewis Stone allan yn cerdded gyda’i gŵn ger sŵ Borth yng Ngheredigion pan ddigwyddodd yr ymosodiad ar lannau afon Leri ar Chwefror 28, ac fe fu farw dri mis yn ddiweddarach.

Clywodd Llys y Goron Abertawe fod David Fleet wedi cael pwl o sgitsoffrenia cyn yr ymosodiad, pan drywanodd e Lewis Stone nifer o weithiau.

Mae ganddo fe hanes o salwch meddwl ac fe fu’n derbyn triniaeth yn y gymuned ar gyfer y cyflwr.

Clywodd y llys fod ei frawd wedi ei glywed yn ei ystafell wely ar fore’r ymosodiad yn siarad â fe ei hun, cyn cerdded allan i gyfeiriad y pentref.

Cafodd Lewis Stone ei weld yn gadael parc carafanau gyda’i gi Jock am oddeutu 9.20yb, ryw ugain munud cyn yr ymosodiad.

Clywodd tyst ddyn yn gweiddi ei fod e wedi cael ei drywanu, ac fe welodd e ffrwgwd rhwng y ddau ben draw’r afon.

Cafodd y digwyddiad ei weld, ac fe gafodd David Fleet ei arestio’n ddiweddarach wrth geisio rhedeg i ffwrdd, gan ddweud nad oedd e’n gwybod beth oedd wedi digwydd.

Dydy’r heddlu ddim wedi dod o hyd i’w gyllell.

Cafodd Lewis Stone ei gludo i’r ysbyty yn Stoke, ac fe gafodd e driniaeth ar ôl cael ei drywanu dair gwaith, yn ei stumog a’i gefn.

Cafodd e nifer o lawdriniaethau a thrallwysiadau gwaed, ond roedd e’n dioddef o sawl haint.

Bu farw ar Fai 23.

Yr achos

 Plediodd David Fleet yn euog i ddynladdiad a bod ag arf yn ei feddiant, ac fe ddywedodd tri arbenigwr eu bod yn credu ei fod e’n dioddef o sgitsoffrenia a pharanoia.

Yn y ddalfa, fe ddywedodd ei fod e wedi mynd â chyllell o gegin ei rieni a phe na bai e wedi ymosod ar rywun, fod “lleisiau” yn mynd i’w ladd e.

Dywedodd y barnwr Paul Thomas nad oedd modd ei garcharu oherwydd ei salwch meddwl, ac y byddai’n cael ei gadw mewn uned iechyd meddwl am gyfnod amhenodol am driniaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer