Prifysgol Bangor am ddatblygu gwasanaeth iechyd meddwl Cymraeg

Diweddarwyd am  
Y coleg ar y bryn

Prifysgol Bangor

Llun parth cyhoeddus

Mae Prifysgol Bangor yn bwriadu datblygu gwasanaeth iechyd meddwl a fydd yn cael ei gynnig i fyfyrwyr Cymraeg eu hiaith ledled Cymru.

Mae’r brifysgol wedi derbyn arian gan Gyngor Cyllido Addysg Uwch er mwyn datblygu portffolio o ddarpariaeth a fydd yn cael ei lansio yn y deng mis nesaf.

Bydd y cynllun yn canolbwyntio ar greu adnoddau iechyd meddwl ar-lein, yn ogystal â chynnig hyfforddiant sgiliau therapi i fyfyrwyr Cymraeg eu hiaith ledled Cymru.

Maen nhw hefyd yn gobeithio ffurfio rhwydwaith o ymarferwyr a therapyddion iechyd meddwl Cymraeg er mwyn cefnogi’r ddarpariaeth yn y “tymor hir”.

Yn ôl Maria Lorenzini, Cyfarwyddwr Gwasanaethau Myfyrwyr ym Mhrifysgol Bangor, y nod yw “gwella hygyrchedd cefnogaeth iechyd meddwl priodol i bob myfyriwr Cymraeg iaith gyntaf yng Nghymru.”

“Newyddion gwych”

Mae Undeb Myfyrwyr Prifysgol Bangor ac Undeb Myfyrwyr Cymraeg Bangor wedi croesawu’r cyhoeddiad, ac yn ei ddisgrifio’n “gam pwysig ymlaen”.

“Mae UMCB ac Undeb Bangor wedi bod yn lobio’n genedlaethol am adnoddau iechyd meddwl digonol yn yr iaith Gymraeg dros y ddwy flynedd ddiwethaf,” meddai Lleucu Myrddin, Llywydd UMCB.

“Mae’n amlwg bod gwasanaethau digidol, sy’n hynod bwysig i genedlaethau iau, wedi bod ar ei hôl hi trwy gyfrwng y Gymraeg, ac mae’n gadarnhaol iawn mai rhan o’r prosiect hwn fydd creu adnoddau ar-lein yn Gymraeg.

“Mae’n fater o egwyddor na ddylai unrhyw siaradwyr Cymraeg orfod gwneud heb wasanaethau dim ond oherwydd mai Cymraeg yw eu hiaith gyntaf.

“Mae hwn yn gam pwysig ymlaen ac rydym yn falch iawn o weithio gyda’r brifysgol ar y prosiect hwn.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones