Cyhuddo dyn, 20, mewn cysylltiad ag ymosodiad yn Llanelli

 

Llun: Gwefan yr Heddlu

Mae disgwyl i ddyn, 20, fynd o flaen llys mewn cysylltiad ag ymosodiad difrifol yn Llanelli dros y penwythnos.

Fe gafodd yr heddlu eu galw i’r digwyddiad ar Stryd y Farchnad yn y dref yn ystod yr oriau man fore Sul (Medi 15), pan gafodd dyn, 22, ei anafu’n ddifrifol.

Mae Declan Pugh, sy’n byw yn Llanelli, wedi cael ei gyhuddo o ddau achos o ymosod cyffredinol, ac un achos o achosi niwed corfforol difrifol.

Yn ôl Heddlu Dyfed-Powys, mae’r cyhuddiadau mewn cysylltiad â thri digwyddiad ar wahân.

Mae’r achos o achosi niwed corfforol difrifol ac un achos o ymosod cyffredinol yn gysylltiedig â’r digwyddiad ar Fedi 15, tra bo’r achos arall o ymosod cyffredinol yn dyddio o Fedi 8.

Bydd Declan Pugh yn ymddangos gerbron Llys Ynadon Llanelli y bore yma (dydd Llun, Medi 16).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones