Gareth Thomas yn datgelu ei fod yn HIV positif

Diweddarwyd  

Gareth Thomas

Llun: Tsange CC 2.5 trwy Gomin Wicimedia

Mae Gareth Thomas, cyn-gapten tîm rygbi Cymru, wedi datgelu ei fod yn HIV positif.

Mae lle i gredu mai dyma’r tro cyntaf i rywun o fyd y campau gyhoeddi ei fod yn byw â’r cyflwr.

Fe gyhoeddodd yn 2009 ei fod yn hoyw.

Mae’n dweud iddo ystyried lladd ei hun ar ôl cael diagnosis, a’i fod e’n destun “blacmêl” pan wnaeth unigolion ddarganfod ei fod yn byw â’r cyflwr.

“Dw i wedi bod yn byw gyda’r gyfrinach hon ers blynyddoedd,” meddai wrth y Sunday Mirror.

“Ro’n i’n teimlo cywilydd ac mae cadw’r fath gyfrinach fawr wedi gadael ei ôl.

“Ro’n i mewn lle tywyll, yn teimlo fel lladd fy hun. Fe wnes i feddwl am yrru dros ddibyn clogwyn.

“I fi, roedd eisiau marw yn beth naturiol i feddwl amdano, ac roedd yn teimlo fel y ffordd symlaf allan, ond rhaid i chi wynebu pethau.”

‘Torri i lawr’

Mae’n dweud iddo “dorri i lawr” wrth dderbyn y newyddion gan feddyg.

“Es i am brawf iechyd rhywiol cyffredin mewn clinig preifat yng Nghaerdydd,” meddai.

“Do’n i ddim yn teimlo’n sâl ac ro’n i’n meddwl fod popeth yn mynd i fod yn iawn.

“Pan ddywedodd [y meddyg] y geiriau hynny, wnes i feddwl yn syth fy mod i’n mynd i farw.

“Ro’n i’n teimlo fel pe bai trên cyflym yn fy nharo i ar gyflymdra o 300 milltir yr awr.

“Yna, ro’n i’n meddwl ‘pa mor hir sydd gen i ar ôl?'”

Triniaeth

Mae Gareth Thomas bellach yn cymryd tabledi bob dydd ar gyfer y cyflwr, a does dim modd iddo ei drosglwyddo i rywun arall erbyn hyn.

Mae’n dweud nad yw ei gymar Stephen yn byw â’r cyflwr, a bod ei rieni wedi bod yn gefnogol iawn pan ddywedodd e wrthyn nhw.

Ychwanega ei fod e wedi rhannu ei stori er mwyn dileu’r stigma ynghylch HIV.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones