Lambastio Llywodraeth Cymru am fynd i ffair arfau “sy’n masnachu marwolaeth”

Diweddarwyd am  
Llawr yr arddangosfa gyda phobol a stondinau

Llun hyrwyddo’n dangos y ffair arfau yng Nghaerdydd 2018

LLun: O wefan DPRTE 2019

Mae Llywodraeth Cymru wedi cael ei cheryddu am “gefnogi a chymryd rhan” mewn ffair yn Llundain “sy’n masnachu marwolaeth”.

Cyfeirio mae Leanne Wood, Aelod Cynulliad Plaid Cymru, at ffair arfau Defence and Security Equipment International (DSEI), lle fydd gan Lywodraeth Cymru bresenoldeb eto eleni.

Mae’r digwyddiad, sy’n dod i ben heddiw (dydd Gwener, Medi 13), yn cael ei gynnal bob dwy flynedd, ac yn cael ei noddi gan Weinyddiaeth Amddiffyn y Deyrnas Unedig.

“Rydym yn adnabod gwerth cefnogi ein cwmnïau awyr ofod a seibr ddiogelwch yn y digwyddiad yma,” meddai llefarydd ar ran Llywodraeth Cymru.

Cymru yn “gonglfaen”

Ers wyth mlynedd bellach mae Llywodraeth Cymru wedi bod â phresenoldeb yn y Ffair Arfau, a mynychodd gweinidogion y digwyddiad yn 2015 a 2017.

Ar eu gwefan mae DSEI yn dweud bod Cymru yn “gonglfaen i ymgyrchoedd amddiffyn y Deyrnas Unedig, trwy hyfforddi gweithlu amddiffyn y dyfodol.”

Mae “safleoedd diogel a gofod awyr ar gael” yn y wlad, medden nhw, ac mae tua 100 o gwmnïau sydd ynghlwm â chreu “technoleg amddiffyn”.

Ymateb y Prif Weinidog 

Mae Mark Drakeford wedi dweud wrth y BBC mai cefnogi busnesau seibr ddiogelwch – nid masnach arfau – yw nod y Llywodraeth trwy gael stondin yn y ffair, ai fod am “ystyried” ei phresenoldeb yno.

“Mae angen bod cwmnïau yna yn gallu arddangos yr hyn sydd ganddyn nhw, ac i’r bobol sydd eisiau prynu eu hoffer – dyna pam y byddwn yn eu cefnogi yn y digwyddiad,” meddai.

“Er hynny, mi fydda i yn ystyried ai dyma yw’r ffordd gorau i gefnogi’r cwmnïau yna o hyn ymlaen.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones