Pryder am ddiogelwch chwaraewyr rygbi yn llyfr Sam Warburton

Diweddarwyd  

Sam Warburton

Llun: Gleision Caerdydd

Mae cyn-gapten tîm rygbi Cymru, Sam Warburton, yn galw am fwy o fesurau i ddiogelu chwaraewyr rygbi ar y cae – cyn i chwaraewr proffesiynol gael ei ladd mewn gêm.

Ymddeolodd Sam Warburton yn 30 oed yr haf diwethaf ar ôl ennill 79 o gapiau a dioddef anafiadau a arweiniodd at orfod cael llawfeddyginiaeth i’w wddw a’i ben-glin.

Wrth i gyfres o ddarnau allan o’i hunangofiant Open Side gael eu cyhoeddi ym mhapur newydd The Times, mae’n trafod ei bryderon am ddiogelwch yn y gêm gyfoes.

“Os na fydd rhywbeth yn cael ei wneud un fuan, yna fe fydd chwaraewr proffesiynol yn marw yn ystod gêm, o flaen camerâu teledu, a dim ond wedyn y bydd pobl yn mynnu bod camau’n cael eu cymryd,” meddai.

Er bod gwybodaeth am beryglon anafiadau i’r pen yn cynyddu, mae’r gêm ei hun wedi newid ac wedi dod yn llawer mwy corfforol, yn ôl Sam Warburton.

“Allwch chi ddim cael dau ddyn, 14 i 20 stôn yn rhedeg â’u holl nerth i’w gilydd a bod yn ddiogel,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer