“Dim Cymru annibynnol heb yr iaith” i Jamie Bevan

Diweddarwyd  

Jamie Bevan

Llun: Cymdeithas yr Iaith Gymraeg

Mae gwr busnes o Ferthyr Tudful sydd wedi bod yng ngharchar dros y Gymraeg, yn dweud “nad oes Cymru annibynnol heb yr iaith”.

Mae Jamie Bevan yn gerddor sy’n cadw caffi yng nghanolfan gelfyddydau Soar yng nghanol y dref, ac yn credu y byddai annibyniaeth yn codi hyder pobol Merthyr yn ogystal â Chymru gyfan.

Ond er y byddai annibyniaeth hefyd yn rhoi hwb i’r Gymraeg, meddai, mae’r ddadl tros annibyniaeth yn mynd y tu hwnt i fater iaith.

“Mae’r ddadl y tu hwnt i iaith unig, ond byse fe yn amlwg yn codi diddordeb yn y Gymraeg, ac yn golygu bod pobol yn gweld fod annibyniaeth yn cyd-fynd â’r Gymraeg, achos does dim Cymru annibynnol heb y Gymraeg.

“Er hynny, rwy’n credu y bydd y rali yn Merthyr yn dda i drigolion y dref, os ydyn nhw o blaid annibyniaeth ai peidio.

“Chi’n sôn am ddod â miloedd o bobol i ganol Merthyr am y dydd, ac rydyn ni’ wedi amcangyfrif y bydd y rali’n dod â £200,000 i’r economi leol.

“I fi yn bersonol, mae e’n grêt i weld mudiad fel YES Cymru a mudiadau eraill yn cael momentwm a gweld cyffr tu ôl i’r mudiadau hyn… mae hynny yn cryfhau’r Gymraeg, yn cryfhau’r economi, ac yn cryfhau popeth. Mae jyst yn beth positif.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones