Cau’r Senedd yn “gam oeraidd i gyfeiriad gwrth-ddemocrataidd”

Diweddarwyd  

Ben Lake AS yn galw am degwch i’r Canolbarth yn sesiwn holi’r Prif Weinidog 28 Mehefin 2018

Llun: Plaid Cymru

Mae’r penderfyniad i gau’r Senedd yn San Steffan am gyfnod o fwy na mis cyn Brexit yn “gam oeraidd mewn cyfeiriad gwrth-ddemocrataidd”, yn ôl Aelod Seneddol Ceredigion, Ben Lake.

Bydd holl gyfarfodydd y Senedd yn cael eu gohirio rhwng yr ail wythnos ym mis Medi tan Hydref 14, gyda disgwyl i Araith y Frenhines gael ei thraddodi y diwrnod hwnnw.

Yn ôl y Prif Weinidog, Boris Johnson, dyw Brexit ddim yn rheswm tros ei benderfyniad, ac mae’n mynnu bod angen Araith y Frenhines er mwyn cyflwyno “agenda gyffrous iawn” o bolisi domestig.

Ond mae ei feirniaid, ar y llaw arall, wedi wfftio hynny, gyda Llefarydd Tŷ’r Cyffredin, John Bercow, yn disgrifio’r cam fel un “gwarthus”.

“Hynod bryderus”

Mewn cyfarfod trawsbleidiol yn Llundain ddydd Mawrth (Awst 27), fe gytunodd arweinwyr y gwrthbleidiau i geisio cyflwyno deddf er mwyn atal Brexit heb gytundeb.

Ond mae’r penderfyniad i gau’r Senedd am bedair i bum wythnos yn golygu y byddai’n fwy anodd i Aelodau Seneddol allu gwneud hynny cyn Hydref 31 – y dyddiad y mae disgwyl i wledydd Prydain adael yr Undeb Ewropeaidd.

“Mae’r penderfyniad yma gan y Prif Weinidog yn un hynod bryderus ac yn gam oeraidd mewn cyfeiriad gwrth-ddemocrataidd,” meddai Ben Lake wrth golwg360.

“Ar adeg mor dyngedfennol i’r wlad, mae’n anodd credu bod Llywodraeth am gau’r drws ar ddemocratiaeth am gyfnod o 5 wythnos.

“Mi fydd rhaid i Aelodau Seneddol wneud y mwyaf o’r amser sydd ar gael wythnos nesaf, a mawr hyderaf y bydd y Senedd yn rhoi eu gwahaniaethau pleidiol i’r neilltu o’r diwedd er mwyn osgoi gadael yr Undeb Ewropeaidd.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones