Dros 1,000 yn llofnodi deiseb yn erbyn cynghorydd

Diweddarwyd  

Pont Llanrwst

Llun: Golwg360

Mae dros fil o bobol erbyn hyn wedi arwyddo deiseb ar-lein sy’n galw am ddiswyddo cynghorydd tref yn Llanrwst ar sail sylwadau a wnaeth am y Gymraeg.

Roedd y cynghorydd Torïaidd Aldean Channer wedi dadlau mewn negeseuon ar Facebook fod cyfieithu i’r Gymraeg yn wastraff arian gan honni’n anghywir mai “dim ond 2%” o bobol Cymru sy’n siarad Cymraeg.

Mae’r ddeiseb sydd ar change.org yn honni bod ei “diffyg gwybodaeth a dealltwriaeth yn dangos yn amlwg nad oes ganddi’r gallu i gynrychioli cymuned Gymraeg”.

Dywed Maer Llanrwst, Huw Prys Jones, fodd bynnag, mai at y Blaid Geidwadol ac nid at y cynghorydd unigol y dylai’r rhai sy’n ei beirniadu fod yn tanio’u hergydion.

“Does neb yn mynd i gymryd y ddeiseb o ddifri gan ei bod yn gofyn am rywbeth na ellir ei gyflawni,” meddai. “All neb beri ‘diswyddiad’ cynghorydd trwy bwysau gwleidyddol – yr unig sefyllfaoedd lle gall diswyddo ddigwydd ydi trwy broses gyfreithiol pan fo rheolau penodol wedi cael eu torri.”

Cyfrifoldeb y Torïaid

“Gan ei bod hi’n gynghorydd swyddogol y Blaid Geidwadol, y nhw yn y lle cyntaf ddylai fod yn gorfod cyfiawnhau ei sylwadau,” meddai Huw Prys Jones.

“Y ffaith amdani ydi bod yr agwedd ‘Dylai pawb siarad Saesneg’ yn gwbl gydnaws â’r cenedlaetholdeb Seisnig afiach sydd wedi lledaenu fel haint drwy’r blaid honno ers iddi gofleidio Brexit â’r fath arddeliad.

“Gallwn fod yn sicr hefyd fod yr agwedd hon ymhlith gwerthoedd craidd eilun addolwyr Boris Johnson o fewn y blaid.

“Yn y rhyfel diwylliannol rydan ni ynddo, mae’n holl bwysig ein bod yn canolbwyntio ar daro’n ôl yn effeithiol yn erbyn y sefydliad Seisnig, yn lle gwastraffu ynni ar ymosodiadau personol ar gynghorydd unigol.

“Pan mae sylwadau fel hyn yn cael eu gwneud yn enw’r Blaid Geidwadol, ei harweinwyr yng Nghymru, pobl fel Alun Cairns, ddylai fod yn cael eu herio i’w cyfiawnhau.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones