Cyn-enillydd gwobr gomedi Gymreig yn ennill gwobr sioe orau Caeredin

Diweddarwyd am  
Jordan Brookes

Jordan Brookes yn cipio gwobr sioe gomedi orau Caeredin 2019

Llun: Andrew Milligan / PA Wire

Digrifwr sy’n perfformio’n gyson yng Nghymru ac a raddiodd o Brifysgol Cymru Casnewydd yn 2012 yw enillydd sioe gomedi orau Gŵyl Ffrinj Caeredin eleni.

Wrth gyhoeddi mai Jordan Brookes sy’n mynd â’r brif wobr am ei sioe ‘I’ve Got Nothing’, dywedodd Stephen Fry fod yr ŵyl yn “eithriadol o gyffrous”.

Mae’r wobr wedi’i noddi gan y sianel deledu Dave, ac mae’n dathlu digrifwyr profiadol a newydd-ddyfodiaid.

Ar ôl ei fuddugoliaeth, dywed Jordan Brookes ei fod yn deimlad “anhygoel” cael ennill y wobr o £10,000.

“Dw i wir ddim yn meddwl ‘mod i’n deilwng o hyn o gwbl, ac roedd yn dipyn o anrhydedd cael bod yn rhan o ystod mor eang ac amrywiol o bobol yn nhermau cefndir ac arddull, ac roedd yn deimlad braf cael bod yn rhan o’r rhestr a dw i wir yn ei chael yn anrhydedd.”

Jordan Brookes ddaeth i frig gwobrau WUSA (Welsh Unsigned Stand-Up Award) yn 2012.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer