Mwy o bobol ifanc yn pasio TGAU Mathemateg ac yn cael graddau A*-C

Diweddarwyd am  
Nifer o bobol ifanc wrth ddesgiau

Pobol ifanc yn sefyll arholiad

Llun: parth cyhoeddus

Mae bron i ddau o bob tri disgybl safodd arholiadau TGAU yng Nghymru wedi llwyddo i gael gradd A*- C eleni. Mae’n gynnydd o 1.2% ar ganlyniadau y llynedd.

Ond mae’r ganran sy’n llwyddo i ennill y graddau gorau, A*-A, wedi aros yn sefydlog at 18.4%.

Mae canran y disgyblion sy’n ennill graddau A*-A ac A*-C ym mhob un o’r pynciau gwyddonol unigol (Bioleg, Cemeg, Ffiseg) wedi codi; tra bod nifer y disgyblion a safodd TGAU Llenyddiaeth Saesneg  wedi cynyddu 22.8%, gyda dros 2,800 yn fwy yn ennill graddau A*-C o gymharu â 2018.

Enillodd 58.1% o fyfyrwyr radd A*-C mewn TGAU Mathemateg – Rhifedd, ac enillodd 59% radd A*-C mewn TGAU Mathemateg.

Y flwyddyn gyntaf

Dyma’r flwyddyn gyntaf i ddisgyblion sefyll yr arholiadau TGAU Cymraeg Ail Iaith newydd ar ôl i’r opsiwn cwrs byr gael ei ddileu llynedd. Er ei fod yn fwy heriol, mae’r cynnydd yn y nifer a ymgeisiodd wedi arwain at gynnydd o 12.5% o ddysgwyr yn ennill A*-C yn y cymhwyster cwrs llawn.

Eleni, fe wnaeth 1,500 o ddysgwyr ychwanegol sefyll arholiadau TGAU Gwyddoniaeth, gan adeiladu ar y cynnydd sylweddol llynedd. Mae’r newid diwylliant parhaus hwn o ganlyniad i’r symudiad i ffwrdd oddi wrth gofnodion cyffredinol i gymwysterau gwyddoniaeth alwedigaethol yn 16 oed.

Gweinidog yn canmol 

“Heddiw rydym wedi gweld gwelliant mewn perfformiad cyffredinol ledled Cymru. Hoffwn longyfarch yr holl ddysgwyr sy’n derbyn eu canlyniadau heddiw a diolch i’r athrawon sydd wedi gweithio mor galed i gyflawni’r cymwysterau newydd hyn,” meddai’r Gweinidog Addysg, Kirsty Williams.

“Llynedd gwelsom gynnydd dramatig o 50% yn y niferoedd ar gyfer TGAU gwyddoniaeth. Rwy’n falch o weld bod niferoedd a chanlyniadau yn parhau i gynyddu, gyda mwy o ddisgyblion yn ennill graddau A*-C, a mwy yn ennill y graddau uchaf mewn Bioleg, Cemeg a Ffiseg.

“Mae’r cynnydd hwn yn nifer y dysgwyr sydd yn sefyll arholiadau gwyddoniaeth yn golygu bod mwy o bobl ifanc yn derbyn cymwysterau sy’n arwain at fwy o gyfleoedd ar gyfer astudio gwyddoniaeth ymhellach. Mae hefyd yn paratoi’r ffordd ar gyfer gwyddonwyr Cymru yn y dyfodol.”

 

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones