Eisteddfod 2021: “Tro Dwyfor, nid Caernarfon” yw cynnig safle

Diweddarwyd am  

Fe ddaeth cadarnhad yn ystod prifwyl Sir Conwy yr wythnos ddiwethaf, fod Cyngor Gwynedd bellach wedi gwahodd yn ffurfiol yr Eisteddfod Genedlaethol i’r ardal ymhen dwy flynedd.

Ond, yn wahanol i’r awgrym y gallai hon fod yn wyl agored a di-ffens ar y Maes yn nhref Caernarfon, mae’n ymddangos mai’r ardal rhwng Porthmadog a Phwllheli sy’n cael ei ffafrio gan y trefnwyr.

Mae Prif Weithredwr yr Eisteddfod, Betsan Moses, wedi addo cyhoeddiad swyddogol “y mis nesaf” (Medi), ond mae golwg360 yn deall nad tre’r Cofis fydd cartref y brifwyl yn 2021.

Mae swyddogion wedi ymweld â thiroedd yn ardal Afonwen ac Abererch, ar fin priffordd yr A497, ym mis Mai eleni – cyn bod y trefnwyr yn gallu cadarnhau lle’n union y byddai safle prifwyl Llanrwst.

A’r teimlad yw mai “tro Dwyfor” – sef un o’r tair hen ardal o fewn Gwynedd ynghyd ag Arfon a Meirion – yw hi y tro nesaf.

Sir fawr

Mae sir Gwynedd yn ymestyn o Aberdaron yn y gorllewin, i gyrion Bangor yn y dwyrain; ac i lawr mor bell â Thywyn yn yr hen Sir Feirionnydd.

Roedd mynd ä hi i’r Faenol yn 2005 yn benderfyniad dadleuol, gyda thrigolion a threthdalwyr Penrhyn Llŷn, yn enwedig, yn gwrthwynebu’r safle ar gyrion Bangor.

Dydi’r brifwyl ddim wedi ymweld ag ardal Dwyfor ers iddi gael ei chynnal yn nhref Porthmadog yn 1987.

Cyn hynny, oddi fewn i’r Wynedd bresennol, fe fu ar ymweliad ä threfi Cricieth yn 1975; Caernarfon yn 1979; Pwllheli yn 1955; a Dolgellau yn 1949.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones