‘Brexitometer’ yr Eisteddfod– siaradwyr Cymraeg yn erbyn

Diweddarwyd am  
llun o'r mesurydd efo dotiau lliw i ddangos barn pobol

Y Brexitometer ar Faes Eisteddfod 2019

Llun: golwg360

Mae ‘Brexitometer’ wedi cael ei osod ar faes yr Eisteddfod er mwyn mesur barn eisteddfodwyr am y syniad o adael yr Undeb Ewropeaidd.

Hyd yma, mae mwyafrif wedi dweud eu bod yn erbyn ac, yn ôl y gŵr sy’n gofalu am y mesurydd, Jason Edwards, mae gwrthwynebiad y Cymry Cymraeg yn cael ei “adlewyrchu” yn glir.

“Fel mae hwn yn dangos, mae yna deimlad cryf am Brexit,” meddai wrth golwg360. “Mae hynny’n enwedig ymysg y Cymry Cymraeg.

“Mae hwn jest yn mynd i brofi bod gan bobol lais. Ac mae’n codi ychydig bach o obaith mewn pobol bod rhywbeth yn medru cael ei wneud os dydyn nhw ddim eisiau Brexit.”

Y Brexitometer

Mae cyfres o gwestiynau wedi’u rhestru ar y ‘Brexitometer’ ac mae modd i’r cyhoedd osod sticeri yn y blychau sy’n adlewyrchu eu barn.

Bellach, mae blychau ychwanegol wedi cael eu gosod ar ochr yr holiadur gan fod cymaint wedi gosod sticeri yn y blychau gwrth-Brexit.

Mae Jason Edwards, ceidwaid y ‘Brexitometer’, hefyd yn ymgeisydd i’r Democratiaid Rhyddfrydol tros sedd Aberconwy yn etholiad San Steffan ac mae’r mesurydd wrth ochr uned y blaid.

Enghraifft o gwestiynau

  • Sut fydd gadael yr Undeb Ewropeaidd yn effeithio Gwasanaeth Iechyd Gwladol Cymru?
  • Tair Blynedd yn ddiweddarach ydych chi eisiau Brexit?
  • Sut ddylen ni ddatrys y broblem Brexit?

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones