Dynes wedi ei “dychryn” yn dilyn ffrae iaith mewn siop ym Mhwllheli

Diweddarwyd am  

Mae dynes o ardal Pwllheli yn dweud ei bod hi wedi “dychryn” ar ôl iddi gael ei chynghori i adael siop yn y dref wrth ofyn am gymorth yn Gymraeg.

Roedd Glenys Jones, 68, yn siopa yng nghangen leol The Original Factory Shop ar y stryd fawr pan ddigwyddodd y digwyddiad brynhawn ddoe (dydd Llun, Awst 5).

Ar ôl gofyn i aelod o staff am gymorth, gan ddweud “sgiwsha fi”, mae’n honni iddi gael ymateb “mewn tôn ffyrnig” yn ei gorchymyn i newid i’r Saesneg.

Ychwanega iddi esbonio wrth y gweithiwr mai dim ond “excuse me” a ddywedodd, cyn i hwnnw ddadlau â hi a dweud: “If you don’t want to speak English you can get out”.

“Rwyf yn 68 mlwydd oed, yn lleol ac wedi gweithio ym Mhwllheli ers 53 o flynyddoedd ac erioed wedi cael neb yn siarad felma efo fi o’r blaen,” meddai Glenys Jones ar y wefan gymdeithasol, Facebook.

“Cefais fy siomi ac fy nychryn fod y ffasiwn beth wedi gallu digwydd ar ein stryd fawr leol.

“Rwyf am fynd a’r achos ymhellach gyda’r cwmni – ond teimlwn ei fod yn ddyletwydd [sic.] arnaf i rannu’r stori.”

ER GWYBODAETH – TRIGOLION PWLLHELI P’nawn heddiw mi oeddwn yn siopa ym Mhwllhei fe es i’r ‘Factrory Shop’ ar y stryd…

Posted by Glenys Jones on Monday, August 5, 2019

Mae golwg360 wedi gwneud cais am ymateb gan The Original Factory Shop.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer