Pryder nad yw banc arian cyhoeddus yn cydymffurfio â rheolau iaith

Diweddarwyd  

Llun: CC0

Mae mudiad iaith wedi codi pryderon am fanc sydd wedi derbyn arian gan Lywodraeth Cymru, ac sydd ddim – medden nhw – yn “cydymffurfio ag unrhyw amodau iaith”.

Ym mis Ionawr mi dderbyniodd y banc digidol, Monzo, £950,000 gan y Llywodraeth Cymru er mwyn agor swyddfa a chreu 312 swydd yng Nghaerdydd.

Ynghlwm â’r buddsoddiad hwnnw oedd yr amod bod y banc yn darparu “gwasanaethau neu ddeunyddiau ysgrifenedig” yn y Gymraeg, yn ôl Cymdeithas yr Iaith.

Ond dyw’r cwmni yn gwneud hynny, meddai’r mudiad, ac maen nhw wedi ceryddu Llywodraeth Cymru am fuddsoddi yn y banc yn y lle cyntaf.

“Mae’n gwbwl amlwg nad yw Monzo yn cydymffurfio ag unrhyw amodau iaith,” meddai Bethan Williams o Gymdeithas yr Iaith. “

“Does ganddyn nhw ddim gwasanaeth Cymraeg, ac mae [Gweinidog y Gymraeg] Eluned Morgan [wedi] golchi ei dwylo drwy gyfeirio’n cwyn at adran economi’r Llywodraeth…”

Cydymffurfio

Mae un o swyddogion Adran yr Economi a Thrafnidiaeth Llywodraeth Cymru wedi ymateb i gwynion yr ymgyrchwyr trwy ddweud bod Monzo yn cydymffurfio â’u gofynion.

“Dyfarnwyd y cynnig i Monzo yn seiliedig ar y dibenion canlynol,” meddai’r swyddog.

“’Diben y cyllid yw creu canolfan gweithrediadau cwsmeriaid (y dibenion) newydd mewn lleoliad yn ardal awdurdod lleol Dinas Caerdydd (y safle). Rhaid i chi ddefnyddio’r cyllid at y dibenion hyn yn unig’.

“Gallaf gadarnhau bod Monzo yn cydymffurfio â holl amodau’r grant a ddyfarnwyd iddo hyd yma.”

Mae golwg360 wedi gofyn i Monzo am ymateb.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer